قازاقستان ينتەرنەتى اۆستراليادان جىلدام - زەرتتەۋ
08:08, 02 - مامىر 2019
نۇر-سۇلتان. قازاقپارات - وسى اپتادا جاريالانعان ينتەرنەت جىلدامدىعىنىڭ جاھاندىق رەيتينگىندە قازاقستان 61-ورىنعا شىعىپ، اۆستراليا، برازيليا، ساۋد ارابياسىن باسىپ وزدى.
بۇل تۋرالى SBS باسىلىمى جازدى.
«رەيتينگتە العاشقى بەستىكتە سينگاپۋر (199,62 مبيت/س)، گونكونگ (168,69 مبيت/س)، موناكو (137,86 مبيت/س)، رۋمىنيا، وڭتۇستىك كورەيا مەن ۆەنگريا تۇر. اۆستراليا رەيتينگتە 62-ورىندا قازاقستاننان كەيىن جايعاسقان»، - دەلىنگەن اقپاراتتا.
ال Business Insider باسىلىمىنىڭ جازۋىنشا، Ookla Speedtes يندەكسى جىل سايىن جاريالانادى جانە بيىل الەم بويىنشا ينتەرنەتتىڭ ورتاشا جىلدامدىعى سەكۋندىنا 57,91 مبيتتى قۇراعان.