ديماشتىڭ كرەملدەگى جەكە كونسەرتىن قاي تەلەارنا كورسەتەدى؟
بۇل تۋرالى ءانشىنىڭ ۆكونتاكتە الەۋمەتتىك جەلىسىندەگى فان-كلۋبىنىڭ پاراقشاسىندا جازىلدى، دەپ حابارلايدى قازاقپارات.
«تانىمال قازاق ءانشىسى ديماش قۇدايبەرگەننىڭ (Dimash) كونسەرتىنىڭ تەلەۆيزيالىق نۇسقاسى. ديماش 24 جاسىندا قىتاي مەن بريتانيادا اسا تانىمالدىلىققا يە بولىپ، حالىقارالىق دەڭگەيدەگى جۇلدىزعا اينالدى. كوپتەگەن بەلدى سىيلىقتاردىڭ يەگەرى ماسكەۋدەگى العاشقى جەكە كونسەرتىن ەلدىڭ باستى ساحناسى - مەملەكەتتىك كرەمل سارايىندا وتكىزدى. باريتونالدى تەنوردان باستاپ كولوراتۋرالى سوپرانوعا دەيىنگى بىرەگەي داۋىسىمەن ميلليونداعان ادامدى ارباپ العان جاس جۇلدىزدى قولداۋعا تالىمگەرلەرى مەن دوستارى عانا ەمەس، رەسەيدىڭ حالىق ءارتىسى يگور كرۋتوي دا كەلدى»، - دەلىنگەن تەلەارنانىڭ سايتىندا.
«بىرەگەي داۋىس، ەرەكشە دياپازون، تاماشا شەبەرلىك. 12- مامىر كۇنى «НТВ» دا ديماش قۇدايبەرگەننىڭ كونسەرتى»، - دەپ حابارلانادى تەلەارنادا كورسەتىلىپ جاتقان اڭداتپا-ۆيدەودا. ۆيدەودا ديماشتىڭ كونسەرتىنەن ۇزىندىلەرمەن قوسا، ي. كرۋتويدىڭ سويلەگەن ءسوزى دە بەرىلگەن: «مەن ءۇشىن اسا تالانتتى ورىنداۋشىمەن جۇمىس ىستەۋ ۇلكەن قۇرمەت. ءبۇتىن الەم ونىڭ جاڭا باعدارلامالارىن اسىعا توساتىنىنا سەنىمدىمىن»، - دەيدى ول.