سايلاۋ الدىنداعى پروتسەستىڭ زاڭدىلىعىن قانشا زاڭگەر باقىلاپ وتىر
«زاڭگەرلەر ءادىل سايلاۋ ءۇشىن» رەسپۋبليكالىق قوعامدىق بىرلەستىگىنە قازاقستان بويىنشا 3 مىڭعا جۋىق ادام كىرىپ وتىر، ونىڭ باسىم بولىگى جاستار. جاس زاڭگەرلەر وسى پروتسەسكە قاتىسۋعا نيەت تانىتتى. ءبىز سايلاۋ پروتسەسى بويىنشا، سونداي-اق زاڭسىز ءىس-قيمىلدارعا شاعىم تۇسىرۋگە قاتىستى تۇسىنىك بەرەمىز»، - دەدى قازاقستان زاڭگەرلەر وداعىنىڭ ءتوراعاسى سەرىك اقىلباي تىلشىلەرمەن بولعان كەزدەسۋدە.
وسى ورايدا ول رەسپۋبليكالىق قوعامدىق بىرلەستىك كومەگىنە كەز كەلگەن ادام جۇگىنە الاتىندىعىن ايتتى.
«سايلاۋ ناۋقانىنا قاتىستى كەز كەلگەن ادامعا قويىلعان ساۋال بويىنشا كەڭەس بەرە الامىز. بىزگە كانديداتتاردىڭ وزدەرى دە كەلىپ، كەڭەس الۋىنا بولادى»، - دەدى س. اقىلباي.
ايتا كەتەيىك، «زاڭگەرلەر ءادىل سايلاۋ ءۇشىن» ر ق ب سايلاۋ الدىنداعى پروتسەستە زاڭدى ءىس- قيمىلداردىڭ مونيتورينگى ءۇشىن ارنايى قۇرىلعان بولاتىن.