ا ق ش-قا ۆيزا الۋ ءۇشىن نە ىستەۋ كەرەك؟

 نۇر-سۇلتان. قازاقپارات - قۇجاتتار، ۆيزا جانە قاراجات. ساياحاتتاۋ نەمەسە وقۋمەن شەتەلگە ساپار شەگۋ كەزىندە وسى ءۇش نارسە ءسىزدىڭ ەڭ جاقىن دوستارىڭىزعا اينالادى.

ا ق ش- قا بارۋ ويىڭىزدا بار ما؟ ءبىراق، ۆيزانى قالاي الۋ كەرەكتىگىن بىلمەيسىز بە؟ وندا مىنا كەڭەستەردى ءبىر شولىپ شىققانىڭىز ابزال. ءسىزدىڭ ۆيزا الۋىڭىزعا كومەكتەسەتىن ەكى مەكەمە بار: ەلشىلىك -  Embassy / كونسۋلدىق -  Consulate.

ارنايى مەكەمەلەرگە زاڭدى قۇجاتتارىڭىزدى ۇسىنۋىڭىز كەرەك. سونىڭ ىشىندە ماڭىزدىسى -  سىزگە شەتەلگە شىعۋعا مۇمكىندىك بەرەتىن پاسپورتىڭىز. سونىمەن قاتار، وزىڭىزدىك قارجىلىق جاعدايىڭىزدى راستاۋعا تۋرا كەلەدى.

كەرەكتى اقپاراتتى تىركەۋ ارقىلى ارنايى ساۋالنامانى تولتىراسىز -  Application form. ساۋالنامانى تولتىرۋ بارىسىندا مۇقيات، شىنايى، ءادىل بولىڭىز. اتى-ءجونىڭىز، وزگە دە اقپاراتتى ءدال بەرۋگە تىرىسىڭىز. كەلەسى كەزەڭ -  Interview.

كونسۋلمەن تىلدەسۋ بارىسىندا ءوزىڭىزدى ەركىن ۇستاڭىز. سۇراقتارعا ناقتى جاۋاپ بەرىڭىز. ويىڭىزدى اشىق جەتكىزىڭىز جانە ماقساتىڭىز ايقىن كورسەتىڭىز. ويتكەنى، تىلدەسۋ ۆيزا الۋدىڭ سوڭعى كەزەڭى. ۆيزا وفيتسەرى سۇراقتاردىڭ بارلىعىن ارنايى شابلون بويىنشا قويادى.

Massaget.kz