سوزىمىزگە دالەل رەتىندە ۇلتتىق تەلەارنالارىمىزدىڭ بىرىندە كورسەتىلگەن ءۇندىنىڭ «كەلىن» تەلەسەريالىن الۋعا بولادى. وسى كينوداعى باستى ءرولدى سومداۋشى اناندي ەسىمدى ايەلدىڭ قولىنا تاياق الىپ، ادىلەتسىزدىكپەن كۇرەسەتىن كورىنىستەرى سەريالدان ورىن تاپقان ەدى.
ارينە سەريالدىڭ بارلىق ءبولىمى دەرلىك شىندىققا جاناسادى دەپ ايتا المايمىز.
دەگەنمەن ول ءۇندى قوعامىنىڭ ءبىر بولشەگىن كورسەتكەن تۋىندى بولاتىن. ولاي بولسا كينوتۋىندىداعى ادىلەتتىلىك ءۇشىن كۇرەسۋشىلەردىڭ شىنايى ومىردەگى جاعدايىمەن تانىس بولىڭىزدار.
2005 -جىلى Glabi Gang («Pink Gang» ) دەپ اتالاتىن ۇيىم سولتۇستىك ءۇندىستاننىڭ ەڭ كەدەي اۋداندارىنىڭ ءبىرى بۋندەلحاندا پايدا بولدى. ول تەك قانا ايەلدەردەن تۇرادى جانە جەرگىلىكتى شەنەۋنىكتەر ايداۋىنا جۇرمەيتىن ۇيىم بولىپ تابىلادى.
«Pink Gang» كومپانياسىنىڭ نەگىزىن قالاۋشى جانە نەگىزگى يدەيالىق دەم بەرۋشىسى - بالمۇزداق ساتۋشىسى ساپپات پال ديەۆي.
ول 12 جاسىندا اتا-اناسىنىڭ شەشىمىمەن تۇرمىسقا شىعىپ، 15 جاسىندا العاشقى بالاسىن دۇنيەگە اكەلگەن. وسىنداي جاعدايعا باسقا قىزدار دا تاپ بولماس ءۇشىن، پال ديەۆي الەۋمەتتىك جاعدايى تومەن جانە ادىلەتسىزدىكتى قورعاۋ ءۇشىن ايەلدەر بەلسەندىلەرىن جيناپ توپ قۇرۋعا ءماجبۇر بولادى. گۋلابي گانگتىڭ قاتىسۋشىلارى پوليتسيا مەن جەرگىلىكتى بيلىك قىلمىسكەرلەرى تاراپىنان كوپ ادىلەتسىزدىككە ۇشىرايدى.
ءتىپتى جوعارى بيلىك تاراپىنان دا وسى توپ قاتىسۋشىلارىنا كومەك بولماعان ەكەن. سوندىقتان دا توپ قاتىسۋشىلارى فيزيكالىق كۇش كومەگىمەن ادىلسەتسىزدىك جاساعان ادامدارعا شارا قولدانۋدا. ايەلدەر قولدارىنا لاتي تاياعىن الىپ شىعىپ، وزدەرىنىڭ لاۋازىمىن تەرىس پايدالانعانداردى جازالاۋدى باستادى. العاشقىدا بۇل قوزعالىس ايەلدەردىڭ تۇرمىستىق زورلىق- زومبىلىقتان زارداپ شەككەندەرگە كومەكتەسۋ ءۇشىن جاسالدى.
ءبىراقت قازىر ول ايەلدەردىڭ تەڭسىزدىگى مەن قىسىمىن جويۋ ماسەلەلەرىنە دە توقتالدى. توپ بەلسەندىلەرى ايەلدەرىن ۇرىپ- سوعاتىن ەركەكتەرمەن الدىن الا سويلەسىپ الادى ەكەن. ەگەردە سوزگە كەلمەسە بۇكىل اۋىل حالقى الدىندا تاياق استىنا الادى. وعان قوسا پوليتسيا ۋچاسكەلەرىنە شابۋىل جاساپ، جەمقور شەنەۋنىكتەردى دە سوققىعا جىعاتىن كورىنەدى.
بۇل قىزعىلت توپتىڭ مۇشەلەرىنىڭ كوپشىلىگى از قامتىلعان وتباسىلاردان شىققان ايەلدەر. «ايەلدەر گۋلابي توبىنا كىرەدى، سەبەبى ولار ادىلەتسىزدىككە ۇشىرايدى، تۇرمىستىق زورلىق- زومبىلىق قۇربانى بولىپ تابىلادى جانە وسى جاعدايدان شىعۋدىڭ جولىن كورمەيدى»، - دەدى قوزعالىس مۇشەلەرىنىڭ ءبىرى سۋمان سينح.
ۋاقىت وتە كەلە گۋلابي گانگ بۇقارالىق سيپاتقا يە بولۋدا. بۇگىنگى تاڭدا توپ سولتۇستىك ءۇندىستانداعى مەرات، باندا، بيينور جانە باسقا دا قالالاردا جۇمىس ىستەيدى. ونىڭ قاتىسۋشىلارى 400 مىڭنان اسادى. جانە دە بارلىعى دا قىلمىسكەرلەردى جازالايدى ەكەن. كوتەرىلىس باسشىسى پال ديەۆيدىڭ ايتۋى بويىنشا: ايەلدەر قاۋىمىنا جۇمىس كەرەك ەكەن. جانە وعان جەتكىلىكتى اقى تولەسە جەتەدى.
قوزعالىسقا قاتىسۋشىلاردىڭ پىكىرىنشە، ەرلەر قاۋىمىنىڭ دا بۇل ءىستى قولداۋى ۇلكەن باستاما ەكەن. الايدا ەرلەر قاۋىمى تەك قانا ءسوز جۇزىندە بۇل ىسكە ارالاسىپ وتىر. شىن مانىسىندە ولار ەشكىمگەدە كومەكتەسىپ جاتقان جوق ەكەن.
ال توپ قاتىسۋشىلاردان كومەك سۇراۋشى جاندار سانى ارتۋدا. جاقىندا عانا 7000 تۇرعىنى بار اۋىل ادامدارى ءونىم ءۇشىن وتەماقى الۋعا كومەكتەسۋىن سۇرادى. ارينە بۇل سۇراۋ ناتيجەسىز قالمادى. وسىلايشا بۇل توپ قۇراماسىنداعى ايەلدەر قاۋىمى جابىرلەنگەن ادامدارعا كومەك بەرۋىن جالعاستىرۋدا. وعان قوسا 2018 -جىلى تامىز ايىندا ءۇندىستان ۇكىمەتى ايەلدەر قۇقىعىن قورعاۋ تۋرالى زاڭ قابىلاماقشى بولىپ، جينالىس جاساعان ەدى. ءبىراقتا ءالى كۇنگە ايەلدەر جايىن جاقتايتىن زاڭ نورمالارى ناقتى كۇشىنە ەنگەن جوق. سول سەبەپتى دە لاتتي تاياعىن ۇستاعان ايەلدەر توبى كىنالىلەردى جازالاۋىن جالعاستىرۋدا.
Massaget.kz