قاراعاندى بيلىگى امەريكانىڭ ۇزدىك قالالارى تاجىريبەسىمەن تانىسپاق

 قاراعاندى. قازاقپارات - ا ق ش- تىڭ قازاقستانداعى توتەنشە جانە وكىلەتتى ەلشىسى ۋيليام موزەرمەن كەزدەسۋ بارىسىندا ءوڭىر باسشىسى ەرلان قوشانوۆ قاراعاندى وبلىسىندا مەملەكەتتىك- جەكەشەلىك ارىپتەستىكتىڭ امەريكالىق ۇلگىسىن ەنگىزۋ مۇمكىندىكتەرىن تالقىلادى، دەپ حابارلايدى قازاقپارات ءتىلشىسى.

«قازىر ءبىز مەملەكەتتىك قىزمەتتەردى دامىتۋ ءۇشىن بەلسەندى جۇمىس ىستەپ جاتىرمىز. وبلىس ورتالىعىندا «اقىلدى» قالانىڭ جوبالارىن ەنگىزۋدەمىز. بيىل سيفرلاندىرۋ باعدارلاماسى شەڭبەرىندە ءبىرىڭعاي ۇيلەستىرۋ ورتالىعى قۇرىلادى. مۇنداي تاجىريبە دجوردجيا شتاتىنىڭ سەندي- سپرينگس قالاسىندا بار. ءبىز وندا مەملەكەتتىك- جەكەشەلىك ارىپتەستىك مودەلى تابىستى ىسكە اسىرىلىپ جاتقانىن بىلەمىز. قالانى تەك 7 ادام باسقارادى، ال بارلىق دەرلىك مۋنيتسيپالدىق قىزمەتتەر باسەكەلى ورتاعا بەرىلگەن» ، - دەدى ەرلان قوشانوۆ.

ول ەلشىدەن امەريكاداعى ۇزدىك شاھارلار تىزىمىندە بار قالانىڭ تاجىريبەسىمەن تانىسۋعا مۇمكىندىك بەرۋلەرىن سۇرادى. ۋيليام موزەر ءوز كەزەگىندە ول اقپاراتپەن تولىعىراق بولىسۋگە ۋادە بەردى.

ا ق ش ەلشىسى قاراعاندى وبلىسىنىڭ ەكونوميكالىق جانە الەۋمەتتىك سالالارىندا وڭ وزگەرىستەر بايقاعانىن اتاپ ءوتتى.

«نۇر- سۇلتاننان قاراعاندىعا كەلەر جولدىڭ جاقسارعانى قۋانتادى. كەشە مەن تەمىرتاۋ قالاسىندا بولدىم، مەتاللۋرگيالىق كومبينات پەن №16 مەكتەپتە بولىپ قايتتىم. كورگەنىمنىڭ بارلىعى كەرەمەت اسەر قالدىردى. ءبىلىم دەڭگەيى، جاڭا تەحنولوگيالاردىڭ ەنگىزىلۋى - بارلىعى تاماشا» ، - دەيدى ۋيليام موزەر.

ديپلومات باسىم بولىگى قاراعاندى وبلىسىنىڭ اۋماعىنان وتەتىن جاڭا گاز قۇبىرىنىڭ قۇرىلىسى سەكىلدى اۋقىمدى جوبانىڭ جۇزەگە اسىرىلۋى وتە وزەكتى ەكەنىن اتاپ ءوتتى.

 سونداي- اق، ەرلان قوشانوۆ ا ق ش ەلشىسىمەن ينۆەستيتسيا ماسەلەسىن تالقىلادى.