گولوۆكيننىڭ ابەل سانچەستەن كەتۋىنە قاتىستى جاڭا دەرەكتەر بەلگىلى بولدى
25 - ساۋىردە گولوۆكين 2010 -جىلى جاتتىعا باستاعان باپكەرمەن جۇمىسىن توقتاتاتىنىن مالىمدەگەن بولاتىن. مۇنى ول ءوزىنىڭ ءارى قاراي ىلگەرلەگىسى كەلگەندىگىمەن ءتۇسىندىردى جانە باپكەردىڭ كاسىبي بىلىكتىلىگىنە قاتىستى ەمەستىگىن ايتقان.
ال سانچەس ءوز كەزەگىندە قازاقستاندىق بوكسشىنى «اشكوز جانە قايىرى جوق» دەپ ايىپتادى. گولوۆكين DAZN- مەن كەلىسىمشارتتان كەيىن باپكەردىڭ ەڭبەكاقىسىن تومەندەتكىسى كەلگەن ەكەن، باپكەر بۇعان كەلىسپەگەن.
«گولوۆكين جاڭا باپكەرىنىڭ ەسىمىن ءالى جاريالامادى، الايدا سىبىستارعا قاراعاندا، بىرنەشە ماماندى قاراستىرىپ وتىر. مالىمەت كوزىنىڭ اقپاراتىنشا، 37 جاستاعى گولوۆكينگە DAZN- مەن كەلىسىمشارتتان قارجىلاي پايدانى ارتتىرۋ بويىنشا وتباسى تاراپىنان قىسىم بولدى. بۇل جوسپاردىڭ ءبىر بولىگى - باپكەرگە ستاندارتتى ون پايىزدىق ەڭبەكاقىنى جۇمساماۋ. سانچەستىڭ سوزىنشە، وعان بەس پايىز ۇسىنىلعان»، - دەلىنگەن ەسكەرتپەدە.
اقپارات كوزى: vesti.kz