نيۋ-يوركتە قازاقستاننىڭ ينۆەستيتسيالىق مۇمكىندىكتەرى تانىستىرىلدى
باس قوسۋعا قارجىلىق جانە بانك قىزمەتتەرى، كونسالتينگ، قۇرىلىس، جىلجىمايتىن مۇلىك، اقىلدى قالالاردى دامىتۋ، ІТ جانە وزگە دە سالالاردا قىزمەت اتقاراتىن ءىرى جانە ورتا كومپانيالاردىڭ وكىلدەرى قاتىستى.
نيۋ-يوركتەگى باس كونسۋلى جانىبەك ءابدىراشوۆ قاتىسۋشىلارعا ينۆەستيتسيا تارتۋداعى تىڭ ادىستەرىمىز جانە ينۆەستورلارمەن جۇمىس ىستەيتىن ايماقتىق حابعا اينالاتىن «استانا» حالىقارالىق قارجى ورتالىعى جونىندە باياندادى. وتكەن جىلى قازاقستانعا قۇيىلعان ينۆەستيتسيا مولشەرى 15,8 پروتسەنتكە ارتىپ، 24 ميلليارد دوللارعا جەتكەن.
«امەريكا بيزنەسى جاعىنان قىزىعۋشىلىق بار، بۇل تۇستا قازاقستاندا جاقسى مەحانيزم قۇرىلعانى ماڭىزدى. ۇيلەستىرۋشى كەڭەس ينۆەستورلاردىڭ ەلىمىزدە تۋىنداعان بار ماسەلەلەرىن شەشۋمەن اينالىسادى. وسىنداعى ءبىزدىڭ ماقساتىمىز تەك ءىرى بيزنەستى عانا ەمەس، ينۆەستيتسيالىق مۇمكىندىكتەرى بار ورتا جانە شاعىن بيزنەستى باعىتتاۋ بولىپ تۇر. ولار قاراجاتىن وزگە ەلدەرگە سالىپ ءجۇر، ويتكەنى امەريكا - كەڭ نارىق، ال نيۋ-يورك - الەم دەڭگەيىندەگى ءنومىر ءبىرىنشى قارجى ورتالىعى. مۇندا وتە كوپ كومپانيالار بار»، - دەدى ق ر نيۋ- يوركتەگى باس كونسۋلى.