سوۆەت وداعىنىڭ قاشقىنى: قارا تەڭىزدى ءجۇزىپ وتكەن جۇرەكجۇتقان جىگىت كىم؟
پاترۋشەۆكە دەيىن قارا تەڭىزدى كەسىپ ءوتۋ ويعا سىيىمسىز كورىنەتىن. ءبىراق 1962 -جىلى پەتر باتۋمي قالاسىنان شىققان كۇيى سۋعا اياعى تيىسىمەن ەشتەڭەگە قاراماي ءجۇزىپ كەتەدى. وسىلايشا ول س س ر و-دان تۇركياعا وتە شىقتى.
شەكاراشىلار پاترۋشەۆتىڭ بۇل ارەكەتىنە قارسى قيمىلداۋعا قاۋقارسىز بولىپ شىقتى. قاراپايىم ادام، مەيلى ول سۇڭگۋىر بولسىن، ەشبىر ارنايى جابدىقتارسىز وسىنشاما قاشىقتىقتى ءجۇزىپ ءوتۋى - ادام سەنگىسىز دۇنيە.
مۇنداي قاشىقتىقتى ءجۇزىپ وتكەن پەتر دە وسال ادام بولماي شىقتى. بالا كۇنىنەن جۇزۋمەن اينالىسادى. ال قاشۋعا بەل بايلاۋعا سپورت روتادان قاتارداعى اسكەر بولىمىنە ءتۇسىپ قالۋى جانە ونداعى قارۋلاستارىنىڭ قىسىمى سەبەپ بولىپتى.
پەتر اياق استىنان سۋمەن قاشۋعا بەل بايلايدى دا، تارتىپ وتىرادى. قۇداي قولداپ، تۇركيا جاقتاعى جاعالاۋدان ءبىر-اق شىعىپتى باتىرىڭ.
«العاشقى پروجەكتور جاندى. مەن كورىنىپ قالماۋ ءۇشىن تەرەڭگە سۇڭگي بەردىم. قىسىمنىڭ ارتىپ بارا جاتقانىن قۇلاعىما ەستىلگەن شۋ ارقىلى بايقادىم. بويىمنان ءال كەتىپ، جاس كۇنىمنەن بەرگى جاتتىعۋلارىم كومەكتەسپەيتىندەي كورىنگەن»، - دەپ ەسكە الادى پەتر ەرەكشە جورىعىن.
تۇركيادا ءجۇرىپ، پاترۋشەۆ ءوزىنىڭ قارا تەڭىز ارقىلى وسىنشا قاشىقتىقتى قالاي ءجۇزىپ وتكەنىن تۇسىنبەيتىنىن مويىندادى. بۇل جاقتا ودان ءجۇزىپ وتكەن مارشرۋتىن كارتادا بەلگىلەپ بەرۋىن سۇرايدى. ءبىراق پەتر ءوزىنىڭ شامامەن، بولجاممەن جۇزگەنىن ايتىپ قۇتىلادى.
سولاي دا سولاي، قاراعىم! بوستاندىققا ۇمتىلعان پەتر ماقساتىنا جەتتى.
«قامشى» سىلتەيدى