نۇرسۇلتان نازاربايەۆ قىتايدا اكتەر جەكي چانمەن كەزدەستى
بۇل تۋرالى ق ر ەلباسىنىڭ باسپا ءسوز حاتشىسى ايدوس ۇكىباي Twitter- دەگى پاراقشاسىندا جازدى، دەپ حابارلايدى قازاقپارات.
«ەلباسى تانىمال قىتايلىق اكتەر جەكي چانمەن كەزدى»، - دەپ جازدى ا. ۇكىباي.
اڭگىمەلەسۋ بارىسىندا نۇرسۇلتان نازاربايەۆ اكتەردىڭ الەمدىك كينەماتوگرافياداعى ماڭىزدى ءرولىن اتاپ ءوتتى.
ايتا كەتەيىك، نۇرسۇلتان نازاربايەۆ «ءبىر بەلدەۋ، ءبىر جول» II حالىقارالىق ىنتىماقتاستىق فورۋمىنا قاتىسۋ ءۇشىن قىتاي حالىق رەسپۋبليكاسىنا بارعان بولاتىن. ەلباسى شارانىڭ سالتاناتتى اشىلۋى بارىسىندا سويلەگەن سوزىندە ء«بىر بەلدەۋ، ءبىر جول» باستاماسىنىڭ العاشقى، تابىستى جەتىستىكتەرىن اتاپ ءوتتى.
سونداي-اق اتالمىش باستاما ارقىلى ەۋرازيا قۇرلىعى قايتا بىرىگىپ، ەكى مىڭ جىل بۇرىنعىداي ءبىر ارناعا توعىسقانىن ايتتى.
ال فورۋم سەسسياسىندا ەلباسى قازىرگى زامانعى جاھاندىق سىن-قاتەرلەرگە توتەپ بەرۋدىڭ جولدارى تۋرالى ءسوز سويلەپ، جاڭا گەوساياسي احۋالدىڭ «ءۇش د» ۇلگىسىن ۇسىندى.