مەملەكەت باسشىسى پاۆلودارلىق ۇستازدان ەسەپتەر جيناعىن سىيعا بەرۋدى سۇرادى
13:24, 27 - ءساۋىر 2019
پاۆلودار. قازاقپارات - پاۆلودارلىق ۇستاز جاسۇلان مەڭدىبايەۆ ق ر پرەزيدەنتى قاسىم-جومارت توقايەۆقا شاكىرت تاربيلەۋدەگى جەتىستىكتەرى مەن ءوزى شىعارعان ەسەپتەر جيناعى تۋرالى ايتىپ بەردى، دەپ حابارلايدى «قازاقپارات» ح ا ا ءتىلشىسى.
پاۆلودار قالاسىنىڭ №34 -مەكتەبىندە فيزيكادان ساباق بەرەتىن جاس مۇعالىم جاسۇلان مەڭدىبايەۆ «قازاقستان ەلەكتروليزدى زاۋىتى» ا ق-دا قازاقستان پرەزيدەنتىمەن وتكەن كەزدەسۋدە مەملەكەتتىك باعدارلاما گۋمانيتارلىق پاندەردى دامىتۋعا عانا باعىتتالماي، جاراتىلىستانۋ- ماتەماتيكا پاندەرىنە دە دەن قويۋ قاجەتتىگىن ايتتى.
ج. مەڭدىبايەۆتىڭ ايتۋىنشا، ونىڭ شاكىرتتەرى وقۋشىلار اراسىنداعى كوپتەگەن عىلىمي جوبالار سايىستارىندا جەڭىمپاز نەمەسە جۇلدەگەر اتانعان. ونىڭ ءوزى فيزيكا پانىنەن ەسەپتەر جيناعىن شىعارعان ەكەن.
«ماعان بىرەۋىن سىيلىققا بەرسەڭ. ەسەپ شىعارىپ، جاتتىعايىن»، - دەدى پرەزيدەنت ۇستازعا.
ەسكە سالايىق، ق. توقايەۆ جۇمىس ساپارىمەن پاۆلودار وبلىسىندا ءجۇر.
اۆتورى انتون گاگارين