ق ر پرەزيدەنتى پاۆلودار وبلىسىنداعى باستى ماسەلەلەردىڭ ءبىرىن ايتتى
«تاۋەلسىزدىك جىلدارى ەرتىس ءوڭىرىنىڭ ەكونوميكالىق الەۋەتى ايتارلىقتاي نىعايا ءتۇستى. ەلباسى باستاماشىلىق ەتكەن ۇدەمەلى يندۋستريالىق- يننوۆاتسيالىق دامۋ باعدارلاماسىنىڭ ارقاسىندا 988 ملرد تەڭگە سوماسىنا 90 نان استام جوبا جۇزەگە اسىرىلدى»، - دەدى قاسىم- جومارت توقايەۆ.
مەملەكەت باسشىسىنىڭ ايتۋىنشا، بۇل رەتتە، ەكولوگيالىق پروبلەمالار، سونىڭ ىشىندە يندۋستريالىق كاسىپورىنداردىڭ قورشاعان ورتاعا قالدىقتاردى باقىلاۋسىز شىعارۋى وڭىردەگى باستى تۇيىتكىلدەردىڭ ءبىرى بولىپ تابىلادى.
بۇعان دەيىن حابارلاعانىمىزداي، بۇگىن پرەزيدەنت پاۆلودار وبلىسىنا جۇمىس ساپارىمەن كەلدى. قاسىم- جومارت توقايەۆ ءوڭىردىڭ ءبىرقاتار الەۋمەتتىك جانە يندۋستريالىق نىساندارىن ارالاپ كورىپ، مەملەكەتتىك باعدارلامالاردىڭ جۇزەگە اسىرىلۋ بارىسىمەن تانىسادى. سونداي-اق وبلىس جۇرتشىلىعىمەن، سونىڭ ىشىندە مۇعالىمدەر قاۋىمىمەن، ەڭبەك ۇجىمدارىمەن، جاستار وكىلدەرىمەن كەزدەسەتىنى جوسپارلانعان.
بۇدان بولەك، «قازاقستان ەلەكتروليزدى زاۋىتى» ا ق- نىڭ كەڭەسىنە قاتىسادى دەپ كۇتىلۋدە. سونداي-اق، «پاۆلودار مۇناي حيميا زاۋىتى» ج ش س- عا، جاستار باستامالارىن دامىتۋ ورتالىعىنا جانە نازاربايەۆ زياتكەرلىك مەكتەبىنە باراتىنى كوزدەلگەن.
انتون گاگارين