نۇرلان نىعماتۋلين: ەلباسىنىڭ باستامالارى شەتەلدىكتەردىڭ قىزىعۋشىلىعىن تۋدىرۋدا

نۇر-سۇلتان. قازاقپارات - بۇگىن ماجىلىستە پالاتا سپيكەرى نۇرلان نىعماتۋليننىڭ توراعالىعىمەن بيىلعى 23-24- قىركۇيەكتە ەلوردادا «ۇلكەن ەۋرازيا: ديالوگ. سەنىم. سەرىكتەستىك» تاقىرىبىندا وتەتىن ەۋرازيا ەلدەرى پارلامەنتتەرى ءتوراعالارىنىڭ IV كەڭەسىنە دايىندىق پەن وتكىزۋ جونىندەگى ۇيىمداستىرۋ كوميتەتىنىڭ العاشقى كەڭەيتىلگەن وتىرىسى ءوتتى، دەپ حابارلايدى قازاقپارات ءتىلشىسى.

اتاپ ايتقاندا، پارلامەنت وكىلدەرىنىڭ الداعى كەزدەسۋى ق ر تۇڭعىش پرەزيدەنتى، ەلباسى نۇرسۇلتان نازاربايەۆتىڭ ەۋرازيالىق يدەياسىنا 25 جىل تولۋىنا ارنالادى.

ەلباسىنىڭ ەۋرازيالىق باستاماسى بۇگىنگى كۇنى الەمدىك دەڭگەيدە زور الەۋەتكە يە بولىپ وتىرعانىن ايتقان ءماجىلىس ءتوراعاسى، حالىقارالىق پارلامەنتارالىق قوعامداستىق وزەكتى ماسەلەلەردى جانە قازاقستاننىڭ استاناسىندا ەۋرازيالىق كەڭىستىكتىڭ تۇراقتى دامۋىن قامتاماسىز ەتۋ جولدارىن تالقىلاۋعا ىنتالى ەكەنىن اتاپ ءوتتى.

ءىس-شاراعا 70 تەن استام ەلدەن دەلەگاتسيالار قاتىسادى دەپ كۇتىلۋدە.

وسىعان وراي، ۇيىمداستىرۋ كوميتەتىنىڭ مۇشەلەرى ماڭىزى زور ساياسي حالىقارالىق وقيعا سانالاتىن الداعى پارلامەنتتىك فورۋمعا دايىندىق ماسەلەلەرىن قارادى.