نۇر-سۇلتان - پاۆلودار تاس جولى بيىل تولىعىمەن پايدالانۋعا بەرىلەدى

نۇر-سۇلتان. قازاقپارات - نۇر-سۇلتان-پاۆلودار تاس جولى بيىل تولىعىمەن پايدالانۋعا بەرىلەدى، دەپ حابارلايدى قازاقپارات «قازاۆتوجول» كومپانياسىنا سىلتەمە جاساپ.

«ۇزىندىعى 905 شاقىرىم «ورتالىق - شىعىس» كولىك ءدالىزى، ياعني استانادان پاۆلودار قالاسىنا دەيىن جانە پاۆلودار-سەمەي-قالباتاۋ قالالارى اراسىنداعى اۆتوجولدىڭ قۇرىلىسىن 2019-جىلى اياقتاۋ جوسپارلانىپ وتىر. بۇگىنگى كۇنى 404 شاقىرىمى پايدالانۋعا بەرىلدى»، دەلىنگەن حابارلامادا.

ەستەرىڭىزگە سالساق، 2018-جىلى استانا-پاۆلودار جانە پاۆلودار-قالباتاۋ ۋچاسكەسىندە جالپى ۇزىندىعى 501 شاقىرىمدا جوندەۋ جۇمىستارى جۇرگىزىلگەن بولاتىن. ونىڭ بىلتىر 239 شاقىرىمى قولدانىسقا بەرىلدى. 2018-جىلى بولىنگەن قاراجاتتىڭ جالپى سوماسى 57,4 ميلليارد تەڭگەنى قۇرادى. سونىمەن قاتار، جاڭا جابىن توسەلگەن بويىنشا جالپى العاندا 207 شاقىرىمداعى ارالىعى اشىلدى.

2018-جىلدىڭ قورىتىندىسى بويىنشا «استانا-پاۆلودار» اۆتوجولىنىڭ 402 شاقىرىمى (404 ش- نان باستاپ)، ونىڭ ىشىندە 321 شاقىرىمى ەكى جولاققا، 81 شاقىرىمى ءبىر جولاقتى قوزعالىس قامتاماسىز ەتىلدى. «پاۆلودار-قالباتاۋ» اۆتوجولى بويىنشا قوزعالىس جاڭا جابىندىمەن تۇگەلىمەن اشىلدى.

2019-جىلدىڭ جوسپارىندا 250 شاقىرىم پايدالانۋعا بەرۋ جوسپارلانىپ وتىر، وسىلايشا «ورتالىق - شىعىس» كولىك ءدالىزى جوباسى نۇر-سۇلتاننان قالباتاۋ قالاسىنا دەيىن تولىعىمەن اياقتالادى.