تۇركىستان وبلىسىندا قىزعالداق قۇلپىرىپ تۇر
17:49, 23 - ءساۋىر 2019
تۇركىستان. قازاقپارات - تۇركىستان وبلىسىندا دالالى جەرلەردە قىزعالداق كىلەم سەكىلدى قۇلپىرىپ تۇر. دالانىڭ ءسانى بولعان گۇلدى تاماشالاۋشىلار ونىڭ كاسەمدىگىنە سۇيسىنۋدە، دەپ حابارلايدى قازاقپارات ءتىلشىسى.
قىزعالداق - تابيعاتتا دا كەڭ تارالعان، كوگالداندىرۋدا دا ءجيى پايدالانىلاتىن گۇل. ەرەكشە اسەم كوركىمەن دارالاناتىن وسىمدىك بولعاندىقتان، ونى تامالاۋشىلار ازايعان ەمەس.
قازاقستان اۋماعىندا جاۋقازىننىڭ 35 تەن استام ءتۇرى بار. سول سەبەپتەن دە قازاقستان - قىزعالداقتىڭ وتانى بولىپ سانالادى. ءدال وسى كۇندەرى دالاعا ساياحاتقا شىققاندار گۇلدىڭ كەرەمەتىنە تامسانۋدا. ءتىپتى جولدان ءوتىپ بارا جاتقان جولاۋشىلار دا ەرىكسىز ايالداپ، ءوسىپ تۇرعان قىزعالداقتار ورتاسىندا سۋرەتكە تۇسەدى.
ويتكەنى كوكتەم شىعا كوزدىڭ جاۋىن الىپ، قالا مەن دالادا قۇلپىرىپ جاينايتىن قىر گۇلى توڭىرەگىنە كورىك بەرىپ تۇر. جەر بەتىندە گۇلدىڭ ءتۇرى كوپ دەسەك، كوكتەم گۇلى قىزعالداق تىرشىلىك جاڭارعان شاقتا جىلىنا ءبىر رەت نەبارى 10-15 كۇن عانا گۇلدەيدى ەكەن.