قاتەرلى ىسىك اۋرۋلارىن ەمدەۋدىڭ ءتيىمدى جولدارى انىقتالدى

نۇر-سۇلتان. قازاقپارات - ەلوردادا وتكەن عىلىمي كونفەرەنسيادا وڭتۇستىك كورەيا قاتەرلى ىسىك اۋرۋلارىن ەمدەۋدىڭ ۇزدىك تاجىريبەلەرىمەن ءبولىستى.

كورەيا ماماندارى ىسىكتى پروتوندىق تەراپيا ارقىلى ەمدەۋدى ۇسىنىپ وتىر. ولاردىڭ ايتۋىنشا، مۇنداي ءتاسىل ناۋقاستىڭ ءومىرىن ۇزارتۋعا مۇمكىندىك بەرەدى.

ايتا كەتۋ كەرەك، 2018 -جىلى ەلىمىزدە 35 مىڭ قاتەرلى ىسىك اۋرۋى تىركەلگەن. بۇگىندە ونكولوگيالىق دەرتكە ۇشىراعان 170 مىڭ ادام ەسەپتە تۇر.

 ىن سۋك لي، وڭتۇستىك كورەيا ۇلتتىق ونكولوگيالىق ورتالىقتىڭ پرەزيدەنتى:

 - پروتوندىق تەراپيانى ءبىز العاش رەت 2001 -جىلى جەتىلدىرە باستادىق. ال 2007 -جىلى پروتوندىق تەراپيا ورتالىعى اشىلدى. وسى ۋاقىت ارالىعىندا ءبىز پروتوندىق ساۋلەلەرمەن ەمدەۋ جولدارىن جەتىك مەڭگەرىپ، تاجىريبە جينادىق. قازىر قازاقستاننىڭ وسى باعىتتاعى مەكەمەلەرىمەن ءتيىمدى ءوزارالىق قارىم- قاتىناستى نىعايتامىز دەگەن سەنىمدەمىز.

www.24.kz