اۋىل شارۋاشىلىعىن قارجىلاندىرۋ دەڭگەيى تومەن - ۆلاديمير بوجكو

نۇر- سۇلتان. قازاقپارات - اۋىل شارۋاشىلىعى تاۋارلارىن وندىرۋشىلەردەن ءتيىستى ناتيجە بولاتىنداي مەحانيزمدى دايارلاۋ كەرەك.

بۇل تۋرالى اگروونەركاسىپتىك كەشەن سۋبەكتىلەرىن قارجىلاندىرۋ ماسەلەسىن تالقىلاۋ كەزىندە پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو ءمالىم ەتتى، دەپ حابارلايدى قازاقپارات.

«ۇسىنىلعان ماتەريالدارعا توقتالساق، وتكەن جىلى «قازاگرو» حولدينگى بولگەن 400 ميلليارد تەڭگە سوماسىنداعى قارجىلاندىرۋ تەڭدەسسىز ءوسىم بولىپ وتىر، ياعني اسا قوماقتى دەڭگەيدەگى قارجىلاندىرۋ بايقالدى. وسى ورايدا اۋىل شارۋاشىلىعى مينيسترلىگىنىڭ بۇرىنعى باسشىسى ءومىرزاق شوكەيەۆ (قازىرگى تۇركىستان وبلىسىنىڭ اكىمى ءو. شوكەيەۆ) سالانى قارجىلاندىرۋدى ايتارلىقتاي كوبەيتۋگە كۇش- جىگەرىن سالدى. الايدا بۇل قارجى سوماسى ءالى دە جەتكىلىكسىز بولۋدا. رەسەي اۋىل شارۋاشىلىعىن 10 پايىزعا، بەلارۋس رەسمي تۇردە 18 پايىزعا قارجىلاندىرۋدا، ال ءبىز اۋىل شارۋاشىلىعى ءى ج ءو- سىنەن 4,5 پايىز دەڭگەيىندە تۇرمىز»، - دەپ توقتالدى ۆ. بوجكو پارلامەنت ماجىلىسىندەگى دوڭگەلەك ۇستەل وتىرىسىندا.

وسى ورايدا ول سالاداعى نەگىزگى پروبلەمالارعا توقتالا كەلە، ءبىرىنشى ماسەلە ءتيىمدى قارجىلاندىرۋدىڭ جەتكىلىكسىز بولۋىنا قاتىستى بولسا، ەكىنشىدەن، اۋىل شارۋاشىلىعى تاۋارلارىن وندىرۋشىلەر قىزمەتىندەگى تيىمسىزدىك كەرى تارتىپ تۇرعانىن اتاپ ءوتتى.

ءوز كەزەگىندە ق ر اۋىل شارۋاشىلىعى ۆيتسە- ءمينيسترى بۇگىندە ءتۇرلى سەبەپتەرمەن بانكتەر سالانى قارجىلاندىرۋدى قىسقارتىپ جاتقانىن راستادى.

«مەن وسىعان دەيىن ايتقان ەدىم، ءبىز 10 جىل بويى گەكتارىنان ورتاشا ەسەپپەن 12 سەنتنەر استىق شىعىمدىلىعىن ۇستاپ تۇرمىز. وسى ۋاقىت ىشىندە گەكتارىنان 12 سەنتنەر دەڭگەيىمەن قانداي ەكونوميكا بولادى؟ اتالعان ۋاقىت ارالىعىندا جانار- جاعارماي قىمباتتادى. ەنەرگەتيكانىڭ تۇنگى تاريفىن الىپ تاستادى. ياعني بارلىق باعىتتار بويىنشا قىمباتتاۋ بولعانىمەن، اۋىل شارۋاشىلىعى وندىرىسىندە ەڭبەك ونىمدىلىگى مەن تيىمدىلىك باعىتىندا تۇراقتى ءوسىم بايقالمادى»، - دەدى ءماجىلىس ءتوراعاسىنىڭ ورىنباسارى.

اۆتور: رۋسلان عابباسوۆ