قاراعاندىلىق ازامات ءوزىنىڭ قىزىن كەپىلگە العان

قاراعاندى. قازاقپارات - ءوزىنىڭ ەكى جاسار قىزىن كەپىلگە العان 34 جاسار جىگىت، ءسابيدى بىرنەشە ساعاتتان سوڭ ارەڭ بوساتتى، دەپ حابارلايدى قازاقپارات ءتىلشىسى.

17- ءساۋىر كۇنى ساعات 15:20 دا 102 تەلەفونىنا 34 جاستاعى قاراعاندى تۇرعىنىنىڭ ءوزىنىڭ 2 جاستاعى قىزىن كەپىلگە العانى تۋرالى حابارلاما تۇسكەن.

وقيعا ورنىنا بىردەن بارلىق جەدەل قىزمەت وكىلدەرى جۇمىلدىرىلدى. 4 ساعاتقا سوزىلعان كەلىسسوزدەر جانە پوليتسيا قىزمەتكەرلەرىنىڭ جەدەل ۇيىمداستىرعان وپەراتسيالارىنىڭ ناتيجەسىندە 2 جاسار قىز بالا قۇتقارىلدى.

ۇستالعان ازامات پوليتسيا بولىمىنە جەتكىزىلدى. وپەراتسيا كەزىندە ەشكىم جاپا شەككەن جوق.

ەر ازاماتتى وسىنداي ارەكەتكە قانداي جايتتار يتەرمەلەگەنىن انىقتاۋ جۇمىستارى ءجۇرىپ جاتىر.

اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 261- بابى 2- تارماعىنا سايكەس سوتقا دەيىنگى تەرگەۋ امالدارى باستالدى.