قاسىم-جومارت توقايەۆ: ديماش قۇدايبەرگەن - ءان ونەرىندەگى قۇبىلىس

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ءانشى ديماش قۇدايبەرگەن تالاي بيىكتەردى باعىندىرارىنا سەنىم ءبىلدىردى، دەپ حابارلايدى قازاقپارات ءتىلشىسى.

«ديماش قۇدايبەرگەن - ءان ونەرىندەگى قۇبىلىس. ناعىز تالانت يەسى. قازاقتىڭ مادەنيەتىن، ءان ونەرىن شارتاراپقا پاش ەتىپ جۇرگەن ۆيرتۋوز. كەشە قازاقتىڭ ماقتانىشىنا وزبەكستان جۇرتشىلىعى دا ءتانتى بولىپ، ونەرىنە قول سوقتى. ديماشتىڭ ءالى تالاي بيىكتەردى باعىندىرارىنا سەنىمدىمىن جانە تىلەكتەسپىن»، - دەپ جازدى پرەزيدەنت ينستاگرام پاراقشاسىندا.

ەسكە سالا كەتسەك، كەشە ديماش قۇدايبەرگەننىڭ وزبەكستانداعى فان-كلۋبىنىڭ ينستاگرام پاراقشاسىندا ءانشىنىڭ تاشكەنت تورىندە ونەر كورسەتكەن ۆيدەوسى جاريالانعان بولاتىن. وزبەكستاندا قازاقستان جىلىنىڭ اشىلۋ سالتاناتىندا ديماش قۇدايبەرگەن ايگىلى «Sos d'un terrien en detresse»  ءانىن شىرقادى.

ايتا كەتسەك، ول وسى انىمەن قىتايداعى «I am singer» بايقاۋىنىڭ شىمىلدىعىن اشىپ، كورشىلەس ەلدى، ونىمەن بىرگە الەمدى وزىنە جالت قاراتقان ەدى.

قازاقستان پرەزيدەنتى قاسىم-جومارت توقايەۆ پەن وزبەكستان پرەزيدەنتى شاۆكات ميرزيەيەۆ اتالمىش كونسەرتتە ديماشتىڭ ونەرىنە تامسانا قول شاپالاقتاپ، ىقىلاستارىن ءبىلدىردى.