ديماش تاشكەنتتى تاڭ قالدىردى

نۇر-سۇلتان. قازاقپارات - ديماش قۇدايبەرگەننىڭ وزبەكستانداعى فان-كلۋبىنىڭ ينستاگرام پاراقشاسىندا ءانشىنىڭ تاشكەنت تورىندە ونەر كورسەتكەن ۆيدەوسى جاريالاندى، دەپ حابارلايدى قازاقپارات ءتىلشىسى.

وزبەكستاندا قازاقستان جىلىنىڭ اشىلۋ سالتاناتىندا ديماش قۇدايبەرگەن ايگىلى «Sos d'un terrien en detresse»  ءانىن شىرقادى.

ايتا كەتسەك، ول وسى انىمەن قىتايداعى «I am singer» بايقاۋىنىڭ شىمىلدىعىن اشىپ، كورشىلەس ەلدى، ونىمەن بىرگە الەمدى وزىنە جالت قاراتقان بولاتىن.

ءانشىنىڭ وزبەكستانداعى فان-كلۋبىنىڭ ينستاگرام پاراقشاسىنداعى ۆيدەوعا جانكۇيەرلەر كوپتەپ پىكىر قالدىرىپ جاتىر.

«نە دەگەن كەرەمەت ورىنداۋ! كورەرمەندەر ءبىزدىڭ سۇيىكتى ءانشىمىزدى كەرەمەت كۇتىپ الدى! ديماشقا لايىق ادەمى ساحنا!»، - دەپ جازادى فاناتتارىنىڭ ءبىرى.

ديماشتىڭ ونەر كورسەتكەنىن مادەنيەت جانە سپورت ءمينيسترى ارىستانبەك مۇحامەدي ۇلى ءبولىسىپ، ينستاگرام پاراقشاسىنا «سەگىز قىرلى ديماش قۇدايبەرگەن! وزبەكستانداعى قازاقستان جىلىنىڭ اشىلۋ سالتاناتى. تاشكەنت 2019» دەگەن جازبا قالدىردى.

شاعىن ۆيدەودا قازاقستان پرەزيدەنتى قاسىم-جومارت توقايەۆ پەن وزبەكستان پرەزيدەنتى شاۆكات ميرزيەيەۆ تامسانا قول شاپالاقتاپ وتىرعانىن كورۋگە بولادى.

ەسكە سالا كەتسەك، كەشە ديماش قۇدايبەرگەننىڭ وزبەكستاندىق فان كلۋبى ءانشىنى تاشكەنتتەگى اۋەجايدان قۇشاق جايا كۇتىپ العان بولاتىن.