ق ر پرەزيدەنتى تاشكەنتتەگى تاۋەلسىزدىك جانە گۋمانيزم مونۋمەنتىنە گۇل شوقتارىن قويدى
18:46, 15 - ءساۋىر 2019
تاشكەنت. قازاقپارات - قازاقستان پرەزيدەنتى تاشكەنتتەگى تاۋەلسىزدىك جانە گۋمانيزم مونۋمەنتىنە گۇل شوعىن قويدى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.
قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ وزبەكستانعا جاساعان مەملەكەتتىك ساپارى بارىسىندا وزبەكستان حالقىنىڭ جالپىۇلتتىق سيمۆولى سانالاتىن تاۋەلسىزدىك جانە گۋمانيزم مونۋمەنتىنە گۇل شوعىن قويدى.
تاۋەلسىزدىك الاڭى ارحيتەكتۋرالىق كەشەنىندە وزبەكستان كارتاسى تۇسىرىلگەن قولا گلوبۋس پەن قولىندا بالاسىن ۇستاپ وتىرعان انانىڭ ءمۇسىنى بار. كومپوزيتسيانىڭ اۆتورى وزبەكتىڭ بەلگىلى ءمۇسىنشىسى يلحام جابباروۆ.
ەسكە سالا كەتەيىك، 14 - ءساۋىر، جەكسەنبى كۇنى قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ مەملەكەتتىك ساپارمەن وزبەكستان رەسپۋبليكاسىنا كەلگەن بولاتىن.