تاشكەنت قازاقستان پرەزيدەنتىنىڭ ساپارىنا قىزۋ دايىندالۋدا
وزبەكستان استاناسىنىڭ باس كوشەلەرىندە قازاق جانە وزبەك تىلىندە جازىلعان باننەرلەردى كورۋگە بولادى. وندا «اسا قۇرمەتتى قازاقستان پرەزيدەنتى قاسىم- جومارت توقايەۆ، وزبەكستانعا قوش كەلدىڭىز!» دەگەن تىلەكتەر بار. بۇدان بولەك، كوشەنىڭ بويىمەن ەكى ەلدىڭ تۋلارىن ءىلىپ قويدى.
ق ر پرەزيدەنتى قاسىم- جومارت توقايەۆتىڭ مەملەكەتتىك ساپارى اياسىندا وزبەكستانداعى قازاقستان جىلى رەسمي تۇردە اشىلادى. سول جەردە ەلىمىزدىڭ مادەنيەت قايراتكەرلەرى مەن تانىمال ارتىستەرى ونەر كورسەتەدى.
ال وزبەكستاننىڭ مەملەكەتتىك ونەر مۋزەيىندە «ۇلى دالا: تاريح مەن مادەنيەت» اتتى كورمە اشىلدى. ول جەرگە قازاقستاننىڭ سيمۆولى - التىن ادام قويىلدى.
سونداي- اق، وزبەكستاننىڭ رەسمي اقپاراتتىق اگەنتتىگى تۇڭعىش رەت قازاق تىلىندەگى نۇسقاسىن ىسكە قوستى. اتالعان اگەنتتىك رەسمي مەملەكەتتىك اقپارات كوزى ءارى ەلدەگى جەتەكشى اقپارات اگەنتتىگى بولىپ سانالادى. ءوزا وزبەك، ورىس، اعىلشىن، فرانسۋز، نەمىس، يسپان، اراب، قىتاي تىلدەرىندە اقپارات تاراتادى. ق ر پرەزيدەنتى قاسىم- جومارت توقايەۆ وسى باستاماعا قاتىستى پىكىر بىلدىرگەن ەدى.
بۇدان بولەك، مەملەكەت باسشىسى «ءو ز ا» ۇلتتىق اقپارات اگەنتتىگىنە سۇحبات بەرىپ، وزبەكستان مەن قازاقستان اراسىنداعى ىنتىماقتاستىقتىڭ قازىرگى جاي- كۇيى مەن دامۋ كەلەشەگى، قول جەتكىزىلگەن ناتيجەلەرى جايىندا ايتىپ بەرگەن بولاتىن.
اۆتور: ارمان اسقاروۆ