وبلىستىق ىشكى ساياسات باسقارماسى الەمگە ايگىلى BBC تەلەكومپانياسىمەن بىرلەسىپ جەتىسۋ جەرىنىڭ كوركەم تابيعاتىن تاريحىمەن بايلانىستىرىپ بەينەروليك ءتۇسىردى. ۆيدەونى جەر شارىنىڭ 571 ميلليوننان استام كورەرمەنى تاماشالادى .
«بۇل بەينەروليكتى «مير ت ۆ» تەلەارناسى روتاتسيالاعاندىعى، ونى 150 ميلليون كورەرمەن كورگەندىگى بەلگىلى بولدى. قازىرگى ۋاقىتتا «جەتىسۋ» بەينەروليگى ت م د ەلدەرىن كەڭىنەن قامتۋدا»، - دەدى الماتى وبلىسى بويىنشا «رۋحاني جاڭعىرۋ» جوبالىق كەڭسەسى ج ش س- نىڭ ديرەكتورى دانا دۇيسەنوۆا.
جەتىسۋدىڭ سۇلۋ تابيعاتىن، ۇلتتىق ساياباعىن، مۇراجايلارى مەن تاريحي جەرلەرىن تۋريستەرگە تەرەڭىرەك ناسيحاتتاۋ ماقساتىندا «جەتىسۋ-360» جوباسى دا قولعا الىندى. كەز-كەلگەن ادام ارنايى موبيلدى قوسىمشا جانە سايت ارقىلى الماتى وبلىسىنا ۆيرتۋالدى تۇردە ساياحات جاساي الادى. جالپى «رۋحاني جاڭعىرۋ» باعدارلاماسى باستاۋ العان 2 جىل ىشىندە الماتى وبلىسىندا 642 جوبا ناقتى جۇزەگە اسقان. ونىڭ ىشىندە 319 جوبا 2017-جىلى ورىندالسا، 2018-جىلى 323 جوبا جەمىسىن بەرىپتى. وسىنداي جوبالاردى جۇزەگە اسىرىپ جاتقان الماتى وبلىسىنىڭ بيىلعى جىلعا دا جوسپارى اۋقىمدى.
«جەتىسۋ جىبەك جولىنىڭ باستاۋى» اتتى جاستار ەكسپەديتسياسى، «جاھانداعى زاماناۋي قازاقستاندىق مادەنيەتتى ىلگەرىلەتۋ» تاقىرىبىندا I حالىقارالىق عىلىمي-تاجىريبەلىك كونفەرەنسياسى، «تامىرى تەرەڭ ءالىپبي» انتولوگيالىق جيناعىن شىعارۋ؛ «وربۇلاق شايقاسىنىڭ تاريحي قويىلىمى» جوباسى، «كوشپەندىلەر تاريحي قولونەرى» فەستيۆالى، يۋنەسكونىڭ دۇنيەجۇزىلىك مۇراسىنا جاتاتىن وبلىس نىساندارىنا ەكسپەديتسيا، «جەتىسۋ - ءىنجۋ-مارجان» اتتى ءداستۇرلى اندەر مەن كۇيلەردىڭ انتالوگياسى جيناعىن شىعارۋ، «Sport fest» وليمپيادالىق سپورت تۇرلەرىنەن فەستيۆال جانە تاعى دا باسقا جوبالار. بەكىتىلگەن جوبالار مەن ءىس-شارالار جوسپارىنا سايكەس 2019-جىلدىڭ 1- توقسانىندا وبلىس بويىنشا 20 مىڭنان استام ادامنىڭ قاتىسۋىمەن 19 جوبا مەن 257 ءىس-شارالار ۇيىمداستىرىلدى. 2019-جىلدىڭ ءساۋىر ايىنان باستاپ الماتى وبلىسىنىڭ تىلدەردى دامىتۋ جونىندەگى باسقارماسىنىڭ باستاماسىمەن «جاڭا الىپبيدە جازىپ ۇيرەنەيىك» ونلاين-ساباق جوباسى باستالدى. 20 مينۋتتىق ونلاين-ساباققا 100 دەن اسا تىڭداۋشى قاتىسقانى بەلگىلى بولدى. الداعى ۋاقىتتا ۆەبيناردى اپتاسىنا 3-5 رەت وتكىزۋ جوسپارلانىپ وتىر»، - دەدى دانا دۇيسەنوۆا.
سونىمەن قاتار ماماننىڭ ايتۋىنشا، 2-4- مامىر كۇندەرى قازاق-قىرعىز باۋىرلاستىعىن، مادەنيەت پەن ادەبيەت، عىلىم جانە وزگە دە سالالار بويىنشا بايلانىس ورناتىپ، تاجىريبە الماسۋ ماقساتىندا «ۇلى دالانىڭ ماڭگىلىك ميراسى - ماناس» تاقىرىبىندا قىرعىز-قازاق زيالىلارىنىڭ III فورۋمى ۇيىمداستىرىلادى. شاراعا شامامەن 500 گە جۋىق شەتەل قوناقتارى مەن زيالى قاۋىم وكىلدەرى قاتىسادى دەپ كۇتىلۋدە.