جىلدىڭ ۇزدىك فوتوسۋرەتتەرى جاريالاندى

 نۇر-سۇلتان. قازاقپارات - فوتوجۋرناليستەر اراسىندا وتەتىن World Press Photo حالىقارالىق بايقاۋىنىڭ جەڭىمپازدارى بەلگىلى بولدى، - دەپ حابارلايدى جۇلدەنىڭ سايتى.

بايقاۋدىڭ باستى جۇلدەسىن امەريكالىق فوتوگراف دجون مۋر ەنشىلەدى.

ول ا ق ش شەكاراشىلارى كىشكەنتاي قىزىنىڭ كوزىنشە گوندۋراستىق ايەلدى ءتىنتىپ جاتقان كەزىن سۋرەتكە ءتۇسىرىپ العان. ايەل ءوزىنىڭ قىزىمەن بىرگە «ميگرانتتار كەرۋەنى» قۇرامىمەن ەلگە كىرمەك بولعان.

رەسەيلىك ديانا ماركوسياننىڭ «كۋبانيتا» اتتى جۇمىسى «زاماناۋي ماسەلەلەر» كاتەگورياسىندا جەڭىسكە جەتتى. فوتوسۋرەتتە پۋرا ەسىمدە 15 جاستاعى قىز بەينەلەنگەن.

سۋرەتتە ول قىزعىلت كويلەك كيىپ، گاۆانا اۋداندارىنىڭ بىرىندە اۆتوكولىك ۇستىندە كەتىپ بارا جاتىر، ال قالا تۇرعىندارى ونىڭ تۋعان كۇنىنە دايىندىق ۇستىندە. لاتىن مادەنيەتى بويىنشا قىز 15 جاسقا تولعان كەزدە ايەلگە اينالادى.

 









































 

Kaz.tengrinews.kz