الەمدىك دەڭگەيدەگى قانداي وقۋلىقتار قازاق تىلىنە اۋدارىلدى
«وزدەرىڭىز بىلەتىندەي، ءبىر جىل بۇرىن ەلباسىنىڭ قاتىسۋىمەن «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا 18 وقۋلىقتى تانىستىرعان ەدىك. «رۋحاني جاڭعىرۋ» باعدارلاماسىنا ەكى جىل تولىپ وتىرعان ءدال بۇگىن تىزىمدەگى تاعى 30 وقۋلىقتى اۋدارۋ جانە دايارلاۋ جۇمىسى اياقتالدى» ، - دەدى راۋان كەنجەحان ۇلى «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيا وتىرىسىندا.
«WikiBilim» قوعامدىق قورىنىڭ جەتەكشىسى اتقارىلعان جۇمىستار بويىنشا ناقتى ناتيجەلەردى اتاپ كورسەتتى.
«بۇل جەردە الەمدىك تاريح، قازىرگى پەداگوگيكا بويىنشا وتە قىزىقتى وقۋلىقتار بار. ەكونوميكا مەن كاسىپكەرلىك بويىنشا دا وقۋلىقتاردىڭ ۇزدىك كوللەكسياسى جيناقتالدى. ماسەلەن، فيليپ كوتلەردىڭ ماركەتينگ بويىنشا ستراتەگيالىق مەنەدجمەنت، HR Management كىتابى بار. بۇل بۇرىن بولماعان وقۋلىق بولعاندىقتان، مۆا- نى ءبىزدىڭ ج و و- لاردا قازاق تىلىندە وقىتۋعا جاقسى نەگىز بولايىن دەپ تۇر» ، - دەيدى ر. كەنجەحان ۇلى.
ونىڭ ايتۋىنا قاراعاندا، جوبا اياسىندا جاڭا ءتىزىم تالقىلانىپ جاتىر.
«شىنتۋايتىندا، ءتىزىم ج و و- لاردىڭ ۇسىنىستارى نەگىزىندە بۇرىننان تالقىلانىپ كەلەدى. جۇمىس توبى مۇشەلەرىنىڭ كەلىسىمىمەن قوسىمشا 30 وقۋلىقتى اۋدارىپ، باسپاعا بيىل وتكىزۋ ءۇشىن ىرىكتەلدى. اياقتاعالى جاتقان 30 وقۋلىق جاڭا وقۋ جىلى باستالعانعا دەيىن ءبىزدىڭ ەلدەگى 112 ۋنيۆەرسيتەتكە جەتكىزىلەتىن بولادى» ، - دەيدى سپيكەر.
ەسكە سالا كەتسەك، بۇگىن اقوردادا قازاقستان رەسپۋبليكاسى پرەزيدەنتى جانىنداعى «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيا وتىرىسى ءوتتى.