پرەزيدەنت اقتاۋدا ءىلىنىپ تۇرعان ءوز سۋرەتتەرىنە قاتىستى: مۇنداي ۇگىت- ناسيحاتقا مۇقتاج ەمەسپىن
12:35, 12 - ءساۋىر 2019
اقتاۋ. قازاقپارات - مەملەكەت باسشىسى قاسىم- جومارت توقايەۆ ماڭعىستاۋعا ساپارى بارىسىندا جۇرتشىلىقپەن كەزدەستى، دەپ حابارلايدى قازاقپارات اقوردانىڭ تۆيتتەردەگى پاراقشاسىنا سىلتەمە جاساپ.
«اقتاۋدا مەنىڭ سۋرەتىم بەينەلەنگەن 14 بيلبورد ءىلىنىپ تۇرعانىن ەستىدىم. مەنىڭ ويىمشا، بۇل - مۇلدە ورىنسىز، مەن مۇنداي ۇگىت- ناسيحاتقا مۇقتاج ەمەسپىن. مۇنداي اكىمشىلىك ىجداھاتتىلىق نەمەنەگە كەرەك؟»، - دەدى مەملەكەت باسشىسى كەزدەسۋ بارىسىندا.
«بيلبوردتاردى ەلباسى باس بولىپ، قول جەتكىزگەن شىنايى جەتىستىكتەرىمىزگە ارناعان ءجون. مەن بارلىق دەڭگەيدەگى اكىمدەرگە وسىنى تاپسىرامىن»، - دەپ قاتاڭ تاپسىردى قاسىم- جومارت توقايەۆ.