كەيبىر اكىمدەر مەن مينيسترلەر بيۋجەتكە «تاۋسىلمايتىن قورجىن» رەتىندە قارايدى - توقايەۆ
12:05, 12 - ءساۋىر 2019
اقتاۋ. قازاقپارات - مەملەكەت باسشىسى قاسىم-جومارت توقايەۆ ماڭعىستاۋعا ساپارى بارىسىندا جۇرتشىلىقپەن كەزدەستى، دەپ حابارلايدى قازاقپارات اقوردانىڭ تۆيتتەردەگى پاراقشاسىنا سىلتەمە جاساپ.
كەزدەسۋ بارىسىندا ق ر پرەزيدەنتى قاسىم-جومارت توقايەۆ:
«جەمقورلىق، بۇل - باتپانداپ كىرەتىن، مىسقالداپ شىعاتىن دەرت. وسىنداي دەرتكە قارسى مىقتى ءدارى قولدانباساق، ودان ارىلۋ مۇمكىن ەمەس. سوندىقتان، ءبىز ءتيىستى ءىس-شارالاردى ودان ءارى جۇزەگە اسىرا بەرەمىز»، - دەپ اتاپ ءوتتى.
قاسىم- جومارت توقايەۆتىڭ ايتۋىنشا، بىزدە ءتيىمسىز شىعىندار كوپ.
«ءبىزدىڭ كەيبىر اكىمدەرىمىز بەن مينيسترلەرىمىز بيۋدجەتكە «تاۋسىلمايتىن قورجىن» رەتىندە قارايدى»، - دەدى مەملەكەت باسشىسى.