بۇعان دەيىن ءۇندىستان سايلاۋ كوميسسياسى ءمالىم ەتكەندەي، الداعى داۋىس بەرۋ سايلاۋشىلار سانى بويىنشا الەم تاريحىنداعى ەڭ اۋقىمدى سايلاۋ بولماق. سايلاۋ بارلىق 29 شتاتتا جانە جەتى وداقتىق اۋماقتا جەتى كەزەڭ بويىنشا وتەدى: 11 - ءساۋىر، 18 - ءساۋىر، 23 - ءساۋىر، 29 - ءساۋىر، 6 - مامىر، 12 - مامىر جانە 19- مامىر. داۋىستاردى ساناۋ 23 - مامىردا اياقتالۋى ءتيىس.
بەيسەنبى كۇنى 91 سايلاۋ وكرۋگىندە جەرگىلىكتى ۋاقىت بويىنشا 07:00-دە سايلاۋ ۋچاسكەلەرى اشىلىپ، 18:00-گە دەيىن جۇمىس ىستەيدى.
ءۇندىستان حالقىنىڭ شامامەن % 65- ىنىڭ جاسى 35-تەن تومەن بولعاندىقتان، سايلاۋشىلاردىڭ قۇرامىن تاريحتاعى ەڭ جاسى دەپ دەپ تە اتاۋعا بولادى. سونىمەن قاتار، بۇل الەمدەگى ەڭ قىمبات سايلاۋ بولايىن دەپ تۇر: The Times of India باسىلىمىنىڭ مالىمەتىنە سۇيەنسەك، سايلاۋعا جۇمسالاتىن جالپى شىعىنداردىڭ كولەمى 7 ميلليارد دوللاردى قۇرايدى، دەمەك ورتا ەسەپپەن ءار سايلاۋشىعا شاققاندا 8 دوللاردان.
1 ميلليوننان استام داۋىس بەرۋ ۋچاسكەلەرى اشىلادى. پارلامەنتتىڭ تومەنگى پالاتاسىنداعى 543 ورىنعا شامامەن 8 مىڭ ادام ۇمىتكەر بولعالى وتىر. كوپ داۋىس جيناعان پارتيا عانا بيلەۋشى كواليتسيا قۇرا الادى جانە بۇل ساياسي ۇيىم ۇكىمەتتى جاساقتايدى، ال ونىڭ كوشباسشىسى پرەمەر- مينيستر بولادى.
فوتو: AP Photo/Anupam Nath