باعلان ءابدىرايىموۆ: ءبىزدىڭ ەلدىڭ جىگىتتەرى سىرتتان ەمەس، قۇرتتار

 نۇر-سۇلتان. قازاقپارات - بەلگىلى ءانشى باعلان ءابدىرايىموۆ ەفيرگە شىعىپ پاكتىگىن ساتقان قىزعا، جەلىدە شەشىنىپ، اتىن شىعارىپ جاتقان قىزدارعا قاتىستى پىكىرىن ءبىلدىردى.

ءانشى ءوز ويىن جەلىدەگى پاراقشاسىندا جازعان.

«ءوز ويىمعا» ءوز ويىم. ءلايلا حانىم دا، اناۋ ارىن 2 ميلليون تەڭگەگە ساتقىسى كەلگەن قارىنداس تا كىنالى ەمەس! كوشەگە بالاسىن تاستاپ كەتكەن قىز دا، شارباققا ءىلىپ كەتكەن دە، اجەتحاناعا تاستاعان دا، قازاقتىڭ ۇلتتىق ساۋكەلەسىمەن سۋرەتكە جالاڭاش تۇسكەن شىنار دا، كلۋبتا شەشىنگەن بايزاقوۆا دا، قىتايعا، قارا ناسىلدىگە ءتيىپ جاتقانى دا، ت. ب كىنالى ەمەس. كىنالى - ۇيدە وتىرعان اكەسى، اعاسى، ءىنىسى، ياعني ءبىز ەركەك توقتىلار كىنالىمىز. ەشە ولارعا جازىلىپ، لايك باسامىز عوي، شىركىن. ايەل باسقارا المايتىن جاعدايعا جەتتىك. سىرتتان دەپ جۇرگەنىمىزبەن ونداي ەمەسپىز. ءسوزىمىز وتپەيدى. مايدالانىپ بىتتىك، قىسقاسى. ەفيردە وسىنداي باعدارلاما باسقارىپ، جۇرگىزىپ جۇرگەندەرىنە («قالاۋلىم»، «ءوز ويىم»، «كەل كەلىنىم») باسشىلىقتاعى ەركەك كىنالى.

ويتكەنى، ونى ۋيدە ايەلى باسقارادى. ءوز باسىم، شەشەندەردىڭ قىزدارىن نەمەسە داعىستاندىق ارۋلارمەن ءجۇرىپ، تۋعىزىپ تاستاپ كەتكەن، قۇلاقتان تەۋىپ كەتكەن قازاق جىگىتتى كورمەپپىن. نەگە؟ ويتكەنى ەركەگى مىقتى. جول بەرمەيدى. ايعىردىڭ ءوزى ۇيرىنە ەگە. ءبىز كىمبىز؟ ال، نەگە بىزدە ءبارى بولادى. ەركەكتەر قايدا؟ ولار ءوز قارىنداستارىنا قيانات جاساپ الەك بولۋدا. ءناپسىنىڭ جەتەگىندە ءجۇر.

ومار جالەل اعامىز ايتىپ ەدى: «ەر» ول - رۋح، دەنە - قاتىن، دەپ. «ەر» جوق، قاتىن كوپ. ءجۇرمىز دەنە مۇشەمىزدى باسقارا الماي.

جانە، سپورتقا بارساڭ «رازنو- راز» شاقىراتىن ەرسىزدەردى ايتساي. سەنىمەن جاعا ۇستاسقانشا ابىرويىمدى ۇستاپ قالعىم كەلەدى. قازاق - قازاققا قالاي شۇيلىگەدى، نە ءۇشىن؟ «ءار قازاق مەنىڭ جالعىزىم» دەپ، سابىر اداي نە ءۇشىن ۇرانداتتى؟ وتانىن ءسۇيدى، ءبارىن باۋىر، قارىنداس كوردى! قوعامدا مىنا بىزدەر ەرسىزدەن قورقىڭدار - انالار، جەڭگەلەر، قارىنداستار! كەشىرىڭىزدەر! ەركەك بولسام دا مەنىڭ دە نامىسى ءتيىپ وتىر. مەنىڭ دە انام، قارىنداستارىم، قىزدارىم بار.

«ءبىزدىڭ ەلدىڭ جىگىتتەرى، جىگىتتەردىڭ سىرتتانى» ەدىك، ال ەندى قۇرتتارى بولدىق. ەس جينايىق جىگىتتەر! وتان - وتباسىنان باستالادى. ەگەر دە، ءاربىرىمىز (ەركەكتەر) ءوز وتباسىمىزعا يە بوپ، قارىنداستارىمىزدى قورعاشتاي بىلسەك، قىزدارىمىزعا يە بولساق، وزگەنىڭ ارۋلارىن دا وزىمىزدەي كورىپ، سىيلاساق، مۇنداي حالگە بارماس ەدىك! ءوز قارىنداسىمىزعا مىقتىمىز دەپ ويلايمىز، بىرەۋدىڭ قارىنداسىنىڭ ارىمەن وينايمىز، سول ساتتە ءۇشىنشى بىرەۋ ءسىزدىڭ دە ۇيدەگى قارلىعاشتىڭ ايىلدارىن اشىپ كەتۋدە. ويلانايىق. اشى شىندىق! تارتىپسىزدەر دۇرەمەن جازالانسىن!» - دەپ جازعان.

 

دەرەككوز: Reactor