نۇرلان نىعماتۋلين: سايلاۋ وتكىزۋ تۋرالى شەشىم - دەموكراتيانىڭ كورىنىسى
سونىمەن بىرگە، ول دەموكراتيالىق قاعيداتتارعا تولىقتاي جاۋاپ بەرە وتىرىپ، شىن مانىندە، ەل مۇددەسىن قورعاۋعا باعىتتالعان.
بۇل پىكىردى بۇگىن ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين ءبىلدىردى، دەپ حابارلايدى قر پارلامەنتى ءماجىلىسىنىڭ باسپا ءسوز قىزمەتى.
ءماجىلىس ءتوراعاسىنىڭ پىكىرىنشە، جالپىحالىقتىق داۋىس بەرۋ ناتيجەسىندە سايلانعان، ەل تاڭداعان مەملەكەت باسشىسى حالىقتىڭ سەنىم مانداتىنا يە بولادى.
ال، پرەزيدەنتتىك سايلاۋ كەزىندەگى ءاربىر ازاماتتىڭ جۇرەك قالاۋى - ول قازاقستانىمىزدىڭ ساياسي باعدارىنىڭ تۇراقتىلىعى مەن ساباقتاستىعىن قامتاماسىز ەتەدى.
«وسىنىڭ ناتيجەسىندە، ءبىز، ەلباسىمىز نۇرسۇلتان ءابىش ۇلى نازاربايەۆ نەگىزىن قالاعان قازاقستاننىڭ ۇزاق مەرزىمدى دامۋ ستراتەگياسىن تابىستى جۇزەگە اسىرا وتىرىپ، تۇڭعىش پرەزيدەنتىمىز سالعان سارا جولدى ودان ءارى جالعاستىراتىن بولامىز»، - دەيدى ن. نىعماتۋلين.