بۇل تۋرالى ساۋدانى وتكىزگەن Osenat اۋكسيون ءۇيى Twitter پاراقشاسىندا ءمالىم ەتتى، دەپ حابارلايدى قازاقپارات.
تاقتى ساتىپ العان ادامنىڭ اتى- ءجونى جاريا ەتىلگەن جوق.
اعاشتان جاسالىپ، سىرتىن التىنمەن جاپقان تاق و باستا نەبارى 80 مىڭ ەۋروعا باعالانعان. بۇعان ۇزاق ۋاقىت بويى ناپولەون وتىرعان تاقتاردىڭ سانى بەسەۋ دەگەن پىكىر اسەر ەتتى. ولاردىڭ ءبىرى ءپاريجدىڭ تيۋيلري سارايىندا، ەكىنشىسى سەن- كلۋ قامالىندا، ءۇشىنشىسى سەناتتا، ءتورتىنشىسى ۇلتتىق جينالىس عيماراتىندا، بەسىنشىسى پاريج مەرياسىندا ساقتاۋلى.
اۋكسيون ءۇيىنىڭ مالىمەتىنە قاراعاندا، ⅩⅨعاسىردىڭ اياعىندا امەريكالىق فيلانتروپ مايكل گەنري دە يانگ ناپولەوننىڭ وسى تاعىن سان- فرانسيسكوداعى بەينەلەۋ ونەرى مۋزەيىنە سىيعا تارتقان.
ايتا كەتەيىك، بيىل تامىز ايىندا فرانسۋز يمپەراتورىنىڭ تۋعانىنا 250 جىل تولادى.