الماتى زووباعىنىڭ مەكەندەۋشىلەرى قىستىق «كيىمدەرىن» اۋىستىرىپ جاتىر
زووباق قىزمەتكەرلەرىنىڭ ايتۋىنشا، جانۋارلار جازعا دايىندالا باستاسا، ناعىز كوكتەم كەلدى دەگەن ءسوز.
«ءبىز دە قىستىق كيىمدەرىمىزدى اقىرىنداپ اۋىستىرۋىمىز كەرەك، ويتكەنى كوكتەمگى اۋا رايى قۇبىلمالى»، - دەيدى الماتى زووباعىنىڭ فوتوگرافى ميحايل سوروكوۋموۆ.
جانۋارلار دا كوكتەمگە وزدەرىنشە دايىندالادى. بارلىق جانۋارلار دا قىستىق كيىمدەرىن جازدىق كيىمگە الماستىرادى. ال، كۇن سۋىتقان كەزدە ولاردا وزدىگىنەن تابيعات سىيلاعان جىلى كيىم پايدا بولادى.
«كوكتەم كەلىسىمەن كۇن ۇزارىپ، حايۋاناتتار باعىنا كەلۋشىلەر دە ارتا تۇسەدى. مۇنداعى جانۋارلاردىڭ كەيبىرى جازعى ورىندارىنا كوشىرىلدى. ءبىر سوزبەن ايتقاندا، جىلى كۇندەر باستالدى، كۇن ابدەن جىلىعاندا جانۋارلاردىڭ بارلىعى جازعى تورلارعا اۋىستىرىلادى»، - دەدى الماتى زووباعى ديرەكتورىنىڭ مىندەتىن اتقارۋشى ايگۇل تۇلەيەۆا.
زووباق فوتوگرافى جانۋارلاردىڭ قىستىق كيىمدەرىن اۋىستىرىپ، ۇيالارىن سالىپ، بالاپان باسۋعا دايىندالىپ جاتقان ساتتەرىن سۋرەتكە ءتۇسىرىپ الدى.
«اققۋ مەن تاۋىستار «كيىمدەرىن» جازعا دەيىن اسىقپاي اۋىستىرادى. مىسىقتار مەن ايۋلاردا بۇل ۇدەرىس اسا بايقالا قويمايدى. ال، تۇيە، قوي جانە بۇعىلاردىڭ جۇندەرىن قوسىمشا قىرقۋدى قاجەت ەتەتىن ساتتەر بولادى»، - دەدى ميحايل سوروكوۋموۆ.