نۇر-سۇلتان پوليتسياسى الەۋمەتتىك جەلىدە تاراعان ۆيدەوعا قاتىستى مالىمدەمە جاسادى
«قازىرگى ۋاقىتتا الەۋمەتتىك جەلىلەر مەن WhatsApp مەسسەندجەرى ارقىلى قالالىق لومباردتاردىڭ بىرىنشە بەلگىسىز بىرەۋدىڭ ادامداردى كەپىلگە العاندىعى تۋرالى ۆيدەو تاراۋدا. ۆيدەوعا قاتىسى پىكىر بىلدىرگەن اۆتور ادامداردىڭ كەپىلگە العاندىعىن ايتادى جانە مۇنىڭ شىندىققا جاناسپايتىندىعىن حابارلايمىز»، - دەپ اتاپ وتەدى ۆەدومستۆودان.
وسى رەتتە قالالىق پوليتسيا دەپارتامەنتى جالعان اقپارات تاراتقانى ءۇشىن قىلمىستىق جاۋاپكەرشىلىك بار ەكەندىگىن ەسكەرتەدى. اتاپ ايتقاندا، ق ر قىلمىستىق كودەكسىنىڭ 274-بابىنا سايكەس بۇقارالىق اقپارات قۇرالدارىن نەمەسە تەلەكوممۋنيكاتسيالار جەلىلەرىن پايدالانا وتىرىپ، قوعامدىق ءتارتىپتى بۇزۋ نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋ ءقاۋپىن توندىرەتىن كورىنەۋ جالعان اقپارات تاراتقانى ءۇشىن 5000 ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە 1200 ساعاتقا دەيىنگى مەرزىمگە قوعامدىق جۇمىستارعا تارتۋعا نە 5 جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.