ستولتەنبەرگتىڭ سوزىنشە، گيتلەردى - بەيبىت شەرۋمەن، ستاليندى - سوزبەن، تەرروريستىك «يسلام مەملەكەتى» ۇيىمىن كەلىسسوزبەن توقتاتۋ مۇمكىن بولماس ەدى.
«مەملەكەت قۋاتى ەكونوميكا جانە ساربازدار سانى عانا ەمەس، جاقتاۋشىلار كوپتىگىمەن دە ولشەنەدى. ناتو- نىڭ ارقاسىندا ا ق ش- تىڭ دوسى مەن وداقتاسى باسقا دەرجاۆالاردان اسىپ ءتۇستى. بۇل ا ق ش- تى كۇشتى ءارى قاۋىپسىز ەتۋگە سەپتەستى» دەدى ستولتەنبەرگ.
ناتو باس حاتشىسىنىڭ سوزىنشە، اسكەري وداق ماسەلەلەرىنىڭ ءبىرى - ا ق ش پەن رەسەيدىڭ ورتا جانە قىسقا قاشىقتىققا ارنالعان يادرولىق زىمىرىنداردى جويۋ كەلىسىمىنەن شىعۋى. وداق وكىلى «رەسەيدىڭ كەلىسىمنەن شىعۋىنا جاۋاپ رەتىندە ناتو ەۋروپا اۋماعىندا زىمىراندارىن ورنالاستىرمايدى» دەدى. ونىڭ ايتۋىنشا، وداق «تاعى ءبىر قىرعي- قاباق سوعىستىڭ بولعانىن قالامايدى».
بۇعان دەيىن ا ق ش پرەزيدەنتى دونالد ترامپ ناتو- عا مۇشە باسقا ەلدەر وزدەرى تولەيتىن جىلدىق جارنا كولەمىن ارتتىرماسا، ۆاشينگتون وداقتان شىعادى دەپ شارت قويعان. ەندى وداق مۇشەلەرى قورعانىسقا جالپى ىشكى ونىمدەرىنىڭ 2 پايىزىن جۇمساۋى مۇمكىن. بۇعان ا ق ش، ۇلى بريتانيا، بالتىق ەلدەرى، گرەكيا مەن رۋمىنيا كەلىسكەن.
www.azattyq.org