ق ر ەنەرگەتيكا مينيسترلىگى پۋتيننىڭ قازاقستاندا اتوم ەلەكتر ستانساسىن سالۋ ۇسىنىسىنا پىكىر ءبىلدىردى
«ا ە س قۇرىلىسى بويىنشا شەشىم بىزدە قابىلدانعان جوق. ازىرگە ءبىز تەك ونىڭ الاڭىن ايقىندادىق. ءبىز قولايلى تەحنولوگيانى ىرىكتەيمىز. وسى ورايدا ءتيىستى تالقىلاۋلار جۇرگىزىلەدى»، - دەدى ۆيتسە- مينيستر سەناتتا تىلشىلەر ساۋالىنا جاۋاپ بەرە وتىرىپ.
ونىڭ اتاپ وتۋىنشە، ا ە س قۇرىلىسى ماسەلەسى قوسىمشا زەرتتەۋلەردى تالاپ ەتەدى.
«ءبىز وسى ماسەلەنى پىسىقتاۋدى جالعاستىرامىز، الايدا ا ە س قۇرىلىسىنا قاتىستى ناقتى شەشىم قابىلدانبادى. ونىڭ الاڭى رەتىندە الماتى وبلىسىنداعى ۇلكەن اۋىلى ايقىندالعان ەدى»، - دەدى ول.
ەستەرىڭىزگە سالا كەتەيىك، ق ر پرەزيدەنتى قاسىم- جومارت توقايەۆتىڭ ر ف- كە رەسمي ساپارى بارىسىندا رەسەي پرەزيدەنتى ۆلاديمير پۋتين ەكى ەلدىڭ اراسىنداعى ەنەرگەتيكالىق سالاداعى ىنتىماقتاستىقتى كەڭەيتۋدى جانە قازاقستاندا ا ە س قۇرىلىسىن رەسەيلىك تەحنولوگيامەن جۇرگىزۋدى ۇسىندى.
«بەيبىت اتوم سالاسىندا ىنتىماقتاستىق دامىپ كەلەدى، ۋراندى ءوندىرۋ مەن بايىتۋ بويىنشا قازاقستاندىق- رەسەيلىك التى كاسىپورىن جۇمىس ىستەۋدە. ءوزارا ءىس- قيمىلدىڭ جاڭا فورماتىنا كوشۋدى، وسى ورايدا رەسەيلىك تەحنولوگيالارمەن ا ە س سالۋ مۇمكىندىگىن ۇسىنامىز»، - دەدى ۆ. پۋتين.
اۆتور: رۋسلان عابباسوۆ