الماتى زووباعىندا 35 جىل ءومىر سۇرگەن بۋحتەلكا دەگەن تۇيەقۇس بار. ول سوڭعى رەت 2001-جىلى بالاپان باسىپ شىعارعان. مۇنداي تۇيەقۇستار 20-25 جىل عانا ءومىر سۇرەدى. بىلتىر زووباققا بارناۋىلدان تاعى 5 ەمۋ تۇيەقۇسى اكەلىندى.
«بۇل جاس قۇستار، جاستارى - تورتتە. 8 ناۋرىزدا ولار تۇڭعىش بالاپان باسىپ شىعاردى. ولاردىڭ ارتىنان 4 بالاپان جارىلىپ شىقتى. قازىر ولار سەكتسيا ماماندارىنىڭ قاراۋىندا. ازىرگە جىنىسىن انىقتاۋ مۇمكىن ەمەس»، - دەدى زووباق ديرەكتورىنىڭ مىندەتىن اتقارۋشى ايگۇل تولەيەۆا.
ەمۋ بۇعان دەيىن تۇيەقۇس تەكتەس قۇستارعا جاتقىزىلىپ كەلگەن. 1980-جىلى ولاردى عالىمدار كازۋار تەكتەس قۇستار ساناتىنا جاتقىزدى.
ەمۋدى تۇڭعىش رەت 1696-جىلى اۆستراليانىڭ باتىس جاعالاۋىندا ءومىر ءسۇرىپ جاتقان جەرىنەن ەۋروپالىق قونىستانۋشىلار كورگەن.
ەڭ العاشقى عىلىمي زەرتتەۋ جۇمىسى 1789-جىلى جاسالعان. ول كەزدە اتالمىش قۇستاردىڭ 6 ءتۇرى بولعان. ءبىراق ولاردىڭ بارلىعىن دەرلىك ازىق-تۇلىك ىزدەگەن جەرگىلىكتى تۇرعىندار جويىپ جىبەرگەن.
«ەمۋ» ءسوزى پارسى تىلىنەن اۋدارعاندا الىپ قۇس دەگەندى بىلدىرەدى.