ءسوز مەرگەندەرى كوز مەرگەندىگىمەن سايىستى

نۇر- سۇلتان. قازاقپارات - نۇر- سۇلتان قالاسىنىڭ ىرگەسىندە ورنالاسقان دەمالىس كەشەندەرىنىڭ بىرىندە ب ا ق وكىلدەرى اراسىندا ساداق اتۋدان جارىس ءوتتى، دەپ حابارلايدى قازاقپارات ءتىلشىسى.

ۇلتتىق سپورت قاۋىمداستىعىنىڭ ۇيىمداستىرۋىمەن وتكەن شارانىڭ باستى ماقساتى - جۇرتشىلىققا ب ا ق وكىلدەرى ارقىلى ۇلتتىق سپورت ءتۇرىن ناسيحاتتاۋ.

جارىسقا نۇر- سۇلتانداعى رەسپۋبليكالىق تەلەارنا، راديو جانە ءار ءتۇرلى سايتتا قىزمەت اتقاراتىن تىلشىلەر، سونداي- اق، مەرزىمدى باسىلىمداردا، الەۋمەتتىك جەلىلەردە ۇلتتىق سپورت تاقىرىبىندا ءجيى قالام تەربەيتىن جۋرناليستەر قاتىستى.

اۋەلى جارىس باستالماس بۇرىن ۇيىمداستىرۋشى ب ا ق وكىلدەرىنە ساداق اتۋدىڭ قىر- سىرىن ۇيرەتتى. سەبەبى، قاتىسۋشىلار اراسىندا ساداقتى قولىنا ءبىرىنشى رەت ۇستاپ تۇرعاندار دا بولدى.

جارىسقا قاتىسۋعا جالپى 18 جۋرناليست ءوتىنىش بەرىپ، جەرەبە ارقىلى قاتىسۋشىلار توپتارعا ءبولىنىپ، ءوزارا سايىسقا ءتۇستى. نىساناعا تيگىزۋ بويىنشا ەڭ جوعارعى ۇپاي جيناعان قاتىسۋشى وليميپادالىق جۇيە بويىنشا كەلەسى اينالىمعا ءوتىپ وتىردى.

اسا تارتىستى وتكەن باسەكەدە «حابار 24» ارناسىنىڭ ءتىلشىسى تالعات ابدىقوجايەۆ باس جۇلدەنى جەڭىپ السا، « baq.kzءتىلشىسى ەرجان جاۋباي ەكىنشى ورىنعا يە بولدى. ۇزدىك ۇشتىكتى «حابار» ارناسىنىڭ ءتىلشىسى ساكەن سەيتحان تۇيىندەدى

شارا سوڭىندا ۇيىمداستىرۋشىلار قاتىسۋشىلارعا داستارحان جايىپ، ناۋرىز كوجە بەردى.

اۆتور: كۇنسۇلتان وتارباي