مۇحيتتى پلاستيكتەن تازالاۋ مۇمكىن بە؟
ماقالادا جازىلعانىنداي، گاۆاي ارالدارىندا ينجەنەرلەر مەن عالىمدار توبى ۇزىندىعى 600 مەتر بولاتىن قوقىس جينايتىن قۇرىلعىنى ورناتقان. 2018-جىلدىڭ جەلتوقسانىندا بۇل قۇرىلعى ەكىگە ءبولىنىپ كەتكەندىكتەن الىنىپ تاستالعان ەدى.
«مۇحيتتى قوقىستان تازالاۋ جوباسى 2017-جىلى مامىر ايىندا قولعا الىندى. جوبانى تەڭىز عالىمدارى مەن ەكولوگيالىق توپتار قاتتى سىنعا العان بولاتىن. دەگەنمەن، The Ocean Cleanup جوباسى پلاستيكپەن لاستانۋ كورسەتكىشىن ازايتىپ جاتقانىنا سەنىمدىلەر قاتارى كۇننەن كۇنگە ارتىپ كەلەدى» دەپ جازادى باسىلىم.
ماقالا اۆتورىنىڭ جازۋىنشا، پلاستيك قوقىستار مۇحيت پەن مۇحيتتاعى تىرشىلىك ءۇشىن وتە قاۋىپتى.
«ب ۇ ۇ مالىمەتتەرىنە سەنسەك، جىل سايىن تەڭىزگە 8 ميلليون توننا پلاستيك قالدىقتارى لاقتىرىلادى. سول سەبەپتى مۇحيتتى پلاستيكتەن تازارتۋ يدەياسىنىڭ ءوزى اقىلعا سىيمايدى» دەپتى اۆتور.