اتىراۋلىق باس يمام مۇقتاج وتباسىعا پاتەر كىلتىن تاپسىردى
باسپانا كىلتىن تاپسىرىپ تۇرىپ، باس يمام باتىرجان قاجى بەردەن ۇلى مۇسىلماننىڭ مۇسىلمانعا باۋىر ەكەندىگىن، ءار قايىرىمدى ءىستىڭ ارتىندا ساۋاپ جاتقانىن اتاپ ءوتتى.
وسىدان ەكى اي بۇرىن اتىراۋ وبلىسىنىڭ باس يمامى باتىرجان قاجى مانسۇروۆتىڭ باستاماسىمەن يندەر اۋداندىق ءايىپ قاجى مەشىتى مۇقتاج وتباسىنا باسپانا الۋ ماقساتىندا قارجى جيناي باستاعان بولاتىن. ەكى اي ىشىندە ءتيىستى سوما جينالىپ، مەشىت جاماعاتىنىڭ جانە يندەر حالقىنىڭ قولداۋىمەن مۇقتاج وتباسىعا ەكى بولمەلى پاتەر سىيعا تارتىلدى.
جۇبايىنان ايرىلعان نۇرگۇل نۇرسەيىتوۆا بەس بالانىڭ اناسى.
«اتىراۋ وبلىسىنىڭ باس يمامى باتىرجان مانسۇروۆقا، ءايىپ قاجى يندەر اۋداندىق مەشىتىنە، جەرگىلىكتى جاماعاتقا، اۋىلداستارىما اللا رازى بولسىن. بالالارىم ءوز ءۇيىمىزدىڭ بار ەكەنىنە ءالى سەنە الماي، قۋانىپ ءجۇر»، - دەيدى كوپ بالالى انا نۇرگۇل نۇرسەيىتوۆا.