ەليزابەت تۇرسىنبايەۆا الماتىداعى مۇز ايدىنىندا ونەر كورسەتتى
الاتىلىق سپورتسۇيەر قاۋىم ەليزابەت تۇرسىنبايەۆانى جابىلا قول سوعىپ، ەرەكشە سىي-قۇرمەتپەن قارسى الدى. الماتىلىقتار سونىمەن قاتار قىلمىسكەرلەردىڭ قولىنان قازا بولعان قازاقستاندىق مانەرلەپ سىرعاناۋشى دەنيس تەننىڭ قۇرمەتىنە ونەر كورسەتكەن الەكسەي ياگۋدينگە دە قوشەمەت كورسەتتى.
«دەنيس سىزدەردىڭ ەلدەرىڭىزدى بۇكىل الەمگە تانىتتى. دەنيس تەنگە مىڭ العىس»، - دەدى الەكسەي ياگۋدين قويىلىمىن اياقتاعان سوڭ.
شوۋ 3 ساعاتقا سوزىلدى جانە «AlmatyArena» سارايى كورەرمەندەرگە لىق تولدى.
ايتا كەتەيىك، وسىعان دەيىن ءبىز ەليزابەت تۇرسىنبايەۆانىڭ يليا اۆەربۋحتىڭ شوۋ-باعدارلاماسىنا قاتىساتىنىن جازدىق.
سونداي-اق جاپونيانىڭ سايتاما قالاسىندا مانەرلەپ سىرعاناۋدان وتكەن الەم چەمپيوناتىندا ەليزابەت تۇرسىنبايەۆا كۇمىس جۇلدەگەر اتانعانىن حابارلادىق.
ەليزابەت تۇرسىنبايەۆانى وسى جەڭىسىمەن قازاقستان پرەزيدەنتى قاسىم-جومارت توقايەۆ قۇتتىقتاعان بولاتىن.