رەسەيدىڭ مەملەكەتتىگىنە جول اشقان تۇركىلەر - دميتري پەتروۆ
مىسالى ول رەسەيدىڭ مەملەكەتتىگى كونە تۇركىلەردىڭ ارقاسىندا دامىدى دەپ ەسەپتەيدى. «ءبىز عۇندار يمپەرياسىن بىلەمىز، ولار دا تۇركىلەر بولعان. بىزگە جىلنامالىق دەرەكتەردەن پولوۆشىلار، پەچەنەگتەر شاپقىنشىلىعى بەلگىلى جانە ەجەلگى ورىستاردىڭ حازارلارمەن شايقاسى بەلگىلى. ەجەلگى ورىستار تۇركىلەرمەن قاتار عۇمىر كەشتى، ءبىر- ءبىرىنىڭ دامۋىنا ىقپال ەتىپ، سيمبيوز جاسادى. ءدال وسى سيمبيوز رەسەيدىڭ مەملەكەتتىگىنە جول اشتى»، - دەيدى عالىم.
دميتري پەتروۆ تۇركىلەردىڭ ۇرپاعى، ورىستار عانا ەمەس، وزگە حالىقتاردىڭ دا تاريحي دامۋ پروتسەسىنە زور اسەر ەتتى دەيدى. مىسالى قازىرگى پاكىستان مەن ءۇندىستانعا: «موعول يمپەرياسى كەزىندە قازىرگى ءۇندىستان مەن پاكىستان تەرريتورياسىن بيلەپ تۇردى جانە سول ەلدەردىڭ ءتىلى ۋردۋدىڭ پايدا بولۋىنا ىقپال ەتتى. بۇل يمپەريانىڭ نەگىزىن قالاعان - قازىرگى قازاقستان تەرريتورياسىنان شىققان تاعى سول تۇركىلەر. موعول يمپەرياسى قۇرىلعاندا، تۇركى ءتىلى ەليتالاردىڭ ءتىلى بولدى. سونىمەن قاتار اسكەر ءتىلى دە دامي باستادى. اسكەر قۇرامىندا تۇركىلەردەن بولەك باسقا دا ەتنوستار بولعانىمەن، تىلدىك قاتىناس ورتاق بولدى. ال سول اسكەردىڭ، ياعني تۇركىشە وردانىڭ ءتىلى بىرتىندەپ ۋردۋ تىلىنە اينالا باستادى».
پەتروۆ تۇركى ءتىلى كەزىندەگى رۋس تەرريتورياسىندا ۇستەم بولماسا دا، تۇركىلەردىڭ تىلدىك ەلەمەنتتەرى ەداۋىر ءسىڭىپ كەتكەنىن العا تارتادى:
«ول ۇستەم ءتىل بولمادى، ءبىراق ءتىلدىڭ ىقپالى كوپ بولدى جانە بەلگىلى ءبىر دەڭگەيدە ەنىپ كەتتى. مىسالى مەملەكەتتىك باسقارۋ، قارجى سالالارىندا. ماسەلەن «كازنا»، «تاموجنيا» سياقتى سوزدەر تۇركىلەردەن ەنگەن. ال مۇنداي مىسالدار ورىس تىلىندە جەتەرلىك»، - دەيدى ول. دميتري پەتروۆ - بەلگىلى پوليگلوت، لينگۆيست. ونىڭ «پوليگلوت» اتتى ۆيدەوكۋرسى كوپشىلىك اراسىندا اسا تانىمال. پەتروۆ 30-دان اسا تىلمەن تانىس جانە ءوز سوزىنشە ول 50 شاقتى ءتىلدىڭ جازباسىن وقي الادى. عالىم قازاق ءتىلىن دە مەڭگەرگەن، 2011 -جىلى مادەنيەت مينيسترلىگىنىڭ باستاۋىمەن "تىلاشار ENTER" جوباسىن جۇرگىزگەن.
Massaget.kz