ەلوردالىق وقۋشىلار اراسىندا حالىقارالىق ءبىلىم سايىسى ءوتتى
ۇيىمداستىرۋشىلاردىڭ ايتۋىنشا، ء«بىلىم وردا» حالىقارالىق قوعامدىق قورىنا قاراستى «Spectrum» حالىقارالىق مەكتەبى بۇل جارىستى بيىل 5- رەت ءوز بازاسىندا وتكىزدى. بيىل وعان 652 وقۋشى قاتىستى، سونىڭ ىشىندە قازاقستاننان بولەك ءبىرقاتار شەت ەلدەردەن، اتاپ ايتقاندا قىرعىزستان مەن سەربيادان كەلگەندەر بار. ەكىكۇندىك سايىس بارىسىندا وقۋشىلار دەبات، ەسسە جازۋ، تەستىلەۋ جانە ۆيكتورينالىق سۇراقتارعا جاۋاپ بەرۋ سياقتى جارىس تۇرلەرىنە قاتىسىپ، باق سىناعان.
ull«WORLD SCHOLAR'S CUP» سايىسىنىڭ ماقساتى - جاسوسپىرىمدەردىڭ قابىلەتتەرىنە جول اشۋ، بويىنداعى دارىنىن ءىس جۇزىندە قولدانۋ ارقىلى ءبىلىم مازمۇنىن جاڭارتۋ، جالپى ءبىلىم دەڭگەيىن، وي- ءورىسىن جانە زياتكەرلىك دەڭگەيىن ارتتىرۋ.
ايتا كەتەرلىك ماڭىزدى جاڭالىقتىڭ ءبىرى اعىمداعى جىلى 8-13 -شىلدە ارالىعىندا WORLD SCHOLAR'S CUP GLOBAL ROUND كەزەڭى دە قازاقستاندا وتەدى. بۇل سايىس الەمنىڭ 5 ەلىندە وتەدى. سونىڭ ءبىرى قازاقستان بولىپ، ول جارىسقا الەمنىڭ تۇكپىر- تۇكپىرىنەن 1000-عا تارتا وقۋشى قاتىسادى دەپ جوسپارلانعان.
«بىلتىر GLOBAL ROUND كەزەڭىنە ءبىزدىڭ وقۋشىلارىمىز كۋالا- لۋمپۋرعا بارعان بولاتىن. بيىل ءوز ەلىمىزدە وتەتىن بولادى. GLOBAL ROUND كەزەڭىنەن وتكەن وقۋشىلار ا ق ش-تاعى يەل ۋنيۆەرسيتەتىندە فينالعا قاتىسادى»، - دەلىنگەن باسپا ءسوز بايانىندا.