ن. ايداپكەلوۆ پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ حالىق ساناعىن وتكىزۋ مەرزىمى ازىرگە ناقتىلانىپ جاتقانىنا توقتالدى.
«2020-جىلى قىستا نەمەسە كۇزدە ءوتۋى مۇمكىن. بىزدە دايىندىق جانە ۇيىمداستىرۋ شارالارىنا قاتىستى ماسەلەلەر بولدى، سوندىقتان ونى 2020-جىلعا اۋىستىردىق (2019-جىلدان)»، - دەدى ول.
سونىمەن قاتار كوميتەت ءتوراعاسى ساناق كەزىندە قاعاز جۇمىستارىنا شەكتەۋ قويىلاتىنىن اتاپ ءوتتى.
«مالىمەتتەردى قاعازعا تۇسىرۋدەن تولىقتاي باس تارتامىز، ياعني بارلىعى پلانشەتتەرمەن جۇرگىزىلەدى. وعان قوسا، بالامالى تاسىلمەن تۇرعىندارعا ساناققا وزدەرىنىڭ قاتىسۋىنا مۇمكىندىك بەرەمىز، وسى ورايدا مامانداندىرىلعان سايت ازىرلەندى. ادامدار سايتقا كىرىپ، ءوزىنىڭ مالىمەتتەرىن ەنگىزە الادى. الايدا ينتەرۆيۋەر ءاربىر ادامعا بارادى. بۇل تۇرعىدا ازاماتتارعا ساناقتان وتكەندىگى تۋرالى SMS جىبەرىلەدى»، - دەدى ن. ايداپكەلوۆ.
ونىڭ اتاپ وتۋىنشە، ساناقتى جۇرگىزۋدىڭ ەلەكتروندى ءتاسىلى ەلەۋلى قارجى سوماسىن ۇنەمدەۋگە مۇمكىندىك بەرەدى. بەلگىلى بولعانداي، حالىق ساناعىن جۇرگىزۋگە شامامەن 9 ميلليارد تەڭگە جۇمسالۋى ىقتيمال.