وسى ۋاقىت ىشىندە جاڭا پرەزيدەنت بىرنەشە كادرلىق تاعايىنداۋ جۇرگىزىپ، ءىس-ساپارعا شىقتى.
Tengrinews.kz ءتىلشىسى توقايەۆتىڭ پرەزيدەنت لاۋازىمىنداعى العاشقى سەگىز كۇنى قالاي وتكەنىن ەسكە الادى.
2019-جىلى 19- ناۋرىزدا 19:00 دە رەسپۋبليكالىق تەلەارنالار ەفيرىندە نۇرسۇلتان نازاربايەۆ پرەزيدەنتتىك وكىلەتتىگىن توقتاتاتىنىن مالىمدەدى. قىزمەتىنەن كەتە وتىرىپ، ول تۇڭعىش پرەزيدەنت قاسىم-جومارت توقايەۆتىڭ قازاقستاندى باسقارۋعا سەنىپ تاپسىرۋعا بولاتىنىن ايتقان ەدى.
20- ناۋرىزدا قاسىم-جومارت توقايەۆ انت قابىلدادى. «قازاقستان حالقىنا ادال قىزمەت ەتۋگە، كونستيتۋتسيا مەن قازاقستان رەسپۋبليكاسىنىڭ زاڭدارىن قاتاڭ ساقتاۋعا، ازاماتتاردىڭ قۇقىعى مەن بوستاندىعىنا كەپىل بەرۋگە، قازاقستان رەسپۋبليكاسىنىڭ پرەزيدەنتى رەتىندە جۇكتەلگەن مىندەتتەردى ادال اتقارۋعا سالتاناتتى تۇردە انت بەرەمىن»، - دەگەن ەدى قاسىم-جومارت توقايەۆ.
توقايەۆ كەلەسى سايلاۋ مەرزىمىنە دەيىن قازاقستان پرەزيدەنتى بولدى. وعان كۋالىك، ءتوس بەلگى جانە مەملەكەت باسشىسىنىڭ شتاندارتى تاپسىرىلدى. قاسىم-جومارت توقايەۆتىڭ پرەزيدەنت قىزمەتىندەگى العاشقى ءسوزى قازاقستان پرەزيدەنتى قاسىم-جومارت توقايەۆ استانانى تۇڭعىش پرەزيدەنت نۇرسۇلتان نازاربايەۆتىڭ قۇرمەتىنە نۇرسۇلتان دەپ اتاۋدى جانە ەلىمىزدەگى قالالاردىڭ ورتالىق كوشەلەرىنە نۇرسۇلتان نازاربايەۆ ەسىمىن بەرۋدى ۇسىندى، سونداي-اق، ونىڭ قۇرمەتىنە مونۋمەنت تۇرعىزىلاتىنىن ايتتى.
وسى كۇنى پارلامەنت سەناتىنىڭ ءتوراعاسى بولىپ داريعا نازاربايەۆا تاعايىندالدى. پرەزيدەنت توقايەۆ ونىڭ كانديداتۋراسىن دەپۋتاتتارعا ۇسىندى. 20- ناۋرىزدا كەشكى ۋاقىتتا قاسىم-جومارت توقايەۆ پرەزيدەنت اكمشىلىگىنىڭ باسشىلىعىمەن، پرەمەر-مينيستر اسقار مامينمەن، مينيسترلەرمەن جانە ۇلتتىق بانك ءتوراعاسى ەربولات دوسايەۆپەن كەزدەستى.
21- ناۋرىزدا توقايەۆ پەن نازاربايەۆ ەلوردالىق الاڭعا ناۋرىز مەيرامىن تويلاۋعا كەلدى. بۇگىندە ناۋرىز - ورتاق شاڭىراعىمىز - قازاقستان رەسپۋبليكاسىنداعى دوستىقتى، ءوزارا قۇرمەت پەن كەلىسىمدى نىعايتۋعا سەپتىگىن تيگىزەتىن شىن مانىندەگى جالپى حالىقتىق مەيرام.
ونىڭ ماڭگىلىك ءمانى - ەڭ جوعارى قۇندىلىعىمىز بەن ورتاق بايلىعىمىزدى - حالىقتىڭ ىنتىماعىن بەكەمدەۋ.
«بىرلىك بار جەردە، تىرلىك بار» دەيدى حالىق دانالىعى. ءاز-ناۋرىز ءار وتباسىنا باق-بەرەكە اكەلسىن!»، - دەلىنگەن پرەزيدەنتتىڭ قۇتتىقتاۋىندا.
22- ناۋرىزدا قاسىم-جومارت توقايەۆ 1- ماۋسىمنان باستاپ بيۋجەتتىك سالاداعى قىزمەتكەرلەردىڭ جالاقىسىن ءوسىرۋدى تاپسىردى. بۇل توقايەۆتىڭ مەملەكەت باسشىسى رەتىندە جازعان العاشقى تۆيتتەرىنىڭ ءبىرى ەدى.
«ۇكىمەتكە بيۋجەتتىك سالادا تومەن جالاقى الاتىنداردىڭ جالاقىسىن ءوسىرۋدى 1-شىلدەدەن 1- ماۋسىمعا اۋىستىرۋدى تاپسىردىم. بۇل شەشىم ءبىر ميلليوننان اسا ازاماتتىق جانە مەملەكەتتىك قىزمەتكەردىڭ ومىرىنە اسەرىن تيگىزەدى»، - دەپ جازعان ەدى توقايەۆ ءوزىنىڭ Twitter پاراقشاسىندا.
ايتا كەتەيىك، توقايەۆ Twitter جەلىسىندەگى بلوگىن 2011-جىلدىڭ شىلدە ايىنان بەرى جۇرگىزىپ كەلەدى. 23- ناۋرىزدا توقايەۆ تۇركىستانعا باردى. ول ءبىرىنشى ساپارىن نەلىكتەن وسى قالاعا جاساعانىن ءتۇسىندىردى.
قاسىم- جومارت توقايەۆ «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ارحەولوگيالىق جانە ارحيتەكتۋرالىق ەسكەرتكىشتەرىمەن تانىسىپ، قوجا احمەت ياسساۋي كەسەنەسىن ارالاپ كوردى جانە جاستارمەن كەزدەستى. سونداي-اق، پرەزيدەنت وتىرار ىقشام اۋدانىندا بولىپ، «نۇرلى جەر» باعدارلاماسى بويىنشا سالىنىپ جاتقان 26 تۇرعىن ءۇيدىڭ قۇرىلىس جۇمىستارىمەن تانىستى.
مەملەكەت باسشىسى قاسىم-جومارت توقايەۆ جۇمىس ساپارى بارىسىندا شىمكەنت قالاسىنىڭ اكىمشىلىك-ىسكەرلىك ورتالىعىن ارالاپ، «Shymkent city» جاڭا اۋدانىنىڭ ماكەتىن، اۋەجايدىڭ جاڭا تەرمينالىن كوردى.
«ەسكى قالاشىق»، قوشقار اتا وزەنىنىڭ جاعالاۋىن اباتتاندىرۋ جانە «تۇران» شاعىن اۋدانىنىڭ ينجەنەرلىك ينفراقۇرىلىمىن سالۋ جوبالارىمەن تانىستى.
وسى كۇنى پرەزيدەنت استانانى نۇر-سۇلتان دەپ قايتا اتاۋ تۋرالى قاۋلىعا قول قويدى.
24- ناۋرىزدا قازاقستان پرەزيدەنتى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ پەن جوعارعى سوت ءتوراعاسى جاقىپ اسانوۆتى جانە «سامۇرىق-قازىنا» اكتسيونەرلىك قوعامى باسقارماسىنىڭ ءتوراعاسى احمەتجان ەسىموۆتى قابىلدادى.
سونىمەن قاتار، باقىتجان ساعىنتايەۆ پرەزيدەنت اكىمشىلىگىنىڭ باسشىسى قىزمەتىنە تاعايىندالدى، ال مارات ءتاجين مەملەكەتتىك حاتشى قىزمەتىنە تاعايىندالدى. كەشكى ۋاقىتتا قاسىم-جومارت توقايەۆ، باقىتجان ساعىنتايەۆ، اسقار مامين جانە ادىلبەك جاقسىبەكوۆ فۋتبولدان قازاقستان قۇراماسىنىڭ ويىنىن تاماشالادى.
وكىنىشكە قاراي، ءبىزدىڭ كوماندا رەسەي قۇراماسىنان ءىرى ەسەپپەن جەڭىلدى. بۇدان بولەك، قاسىم-جومارت توقايەۆتىڭ قىزمەتكە تاعايىندالۋىنا بايلانىستى بىرنەشە مەملەكەتتىڭ پرەزيدەنتتەرى جانە حالىقارالىق ۇيىمداردىڭ ءتوراعالارى قۇتتىقتادى. قۇراما شتاتتارى تۇڭعىش پرەزيدەنت نۇرسۇلتان نازاربايەۆتىڭ ا ق ش پەن قازاقستان اراسىنداعى بەرىك ءارى قارقىندى قارىم-قاتىناسىن ورناتىپ، دامۋىنداعى ۇلەسىن جوعارى باعالايدى.
(...) قازاقستاننىڭ جاڭا پرەزيدەنتى قاسىم-جومارت توقايەۆتى قۇتتىقتاپ، ەكى ەل اراسىنداعى كەڭەيتىلگەن ستراتەگيالىق سەرىكتەستىكتى تەرەڭدەتۋ بويىنشا بىرىككەن جۇمىستار جالعاسادى جانە ەكونوميكالىق دامۋ، ساۋدا جانە ينۆەستيتسيا سالالارىنداعى ۇزاق مەرزىمدى ءوزارا مۇددەلەرىمىزدى ءارى قاراي دامىتامىز دەپ، وڭىرلىك جانە جاھاندىق قاۋىپسىزدىكتى قامتاماسىز ەتەمىز دەپ ۇمىتتەنەمىز»، - دەلىنگەن قۇجاتتا.
25- ناۋرىزدا توقايەۆ دارحان كالەتايەۆتى پرەزيدەنت اكىمشىلىگى باسشىسىنىڭ ءبىرىنشى ورىنباسارى قىزمەتىنە تاعايىندادى. 26- ناۋرىزدا Twitter جەلىسىندەگى پاراقشاسىندا «قالامقاس كەن ورنىنداعى ءورتتى توقتاتىپ، توتەنشە جاعدايدى قالىپقا كەلتىرۋ جونىندە ءتيىستى شارالار قابىلداۋدى تاپسىرعانىن جانە باقىلاۋعا العانىن جازدى. سونداي-اق، توقايەۆ سىزدىقوۆتى سىرتقى ىستەر ءمينيسترىنىڭ ورىنباسارى قىزمەتىنە تاعايىندادى.