م. شەنتوپ د. نازاربايەۆانى ناۋرىز مەرەكەسىمەن ءارى سەنات باسشىسى بولىپ سايلانۋىمەن قۇتتىقتادى جانە ونىڭ قازاقستان حالقىنىڭ يگىلىگى جولىنداعى قىزمەتىندە تابىسقا جەتۋىنە تىلەكتەستىگىن ءبىلدىردى. ول ەكىجاقتى ىنتىماقتاستىقتى ودان ءارى نىعايتۋعا سەنىم ارتتى جانە سەنات ءتوراعاسىنا تۇركياعا ساپارمەن بارۋعا شاقىردى.
د. نازاربايەۆا جىلى قۇتتىقتاۋلار ءۇشىن العىسىن جەتكىزىپ، «ەلباسىنىڭ جاڭعىرتۋعا باعىتتالعان جولىن جالعاستىرۋ - باستى مىندەت» ەكەنىن اتاپ ءوتتى. سەنات ءتوراعاسى م. شەنتوپتى حالىقتى الەۋمەتتىك قولداۋ، ەكونوميكالىق ءوسۋ جانە ينۆەستيتسيالار تارتۋ ماسەلەلەرىنە باسا نازار اۋدارىلعان قازاقستاننىڭ دامۋ ستراتەگياسى تۋرالى جان- جاقتى حاباردار ەتتى.
تاراپتار ەكىجاقتى ىنتىماقتاستىق ماسەلەلەرىن، اتاپ ايتقاندا، پارلامەنتارالىق ءۇنقاتىسۋدى نىعايتۋ ماسەلەلەرىن تالقىلادى. سەنات ءتوراعاسى تۇركيا ۇلى ۇلتتىق جينالىسىنىڭ ءتوراعاسىن 23-24 - قىركۇيەكتە نۇر- سۇلتان قالاسىندا وتەتىن ەۋرازيا ەلدەرىنىڭ پارلامەنتتەرى ءتوراعالارىنىڭ كەزدەسۋىنە شاقىردى. «بىزدە كوپتەگەن جوسپارلار بار، ولاردى ناتيجەلى ىسكە اسىرۋ ءۇشىن جۇمىس ىستەيمىز. مەن تۇركيانىڭ وركەندەۋىن، سىزدەردىڭ پرەزيدەنتىڭىز رەدجەپ تايىپ ەردوعانعا جانە بۇكىل تۇرىك حالقىنا تابىس تىلەيمىن. تۇركيا - قۋاتتى مەملەكەت جانە بارلىق قيىندىقتاردى جەڭەدى»، - دەپ اتاپ ءوتتى د. نازاربايەۆا.
م. شەنتوپ قازاقستان رەسپۋبليكاسىنىڭ تۇڭعىش پرەزيدەنتى ن. نازاربايەۆتىڭ قازاقستاننىڭ قالىپتاسۋى مەن تابىستى دامۋىنداعى جەتەكشى رولىنە جوعارى باعا بەردى، سونداي- اق قازاقستان- تۇركيا قاتىناستارىن نىعايتۋعا قوسقان جەكە ۇلەسى ءۇشىن العىس ايتتى.