تاعدىرشەشتى كەزەڭ. قازاقستان رەسپۋبليكاسى تۇڭعىش پرەزيدەنتىنىڭ جەتىستىكتەرى

استانا. قازاقپارات - نۇرسۇلتان نازاربايەۆتىڭ پرەزيدەنتتىگى كەزەڭىندە قازاقستان ورتالىق ازياداعى ايماقتىق كوشباسشى، سىرتقى ساياسي پروتسەستەردىڭ ابىرويلى ءارى تولىققاندى مۇشەسى رەتىندە مويىندالدى.

ق ر تۇڭعىش پرەزيدەنتىنىڭ جەتىستىكتەرىنىڭ ءبىرى «قازاقستان-2030» ستراتەگياسىنىڭ ۋاقىتىنان بۇرىن ورىندالۋى بولدى. بۇل جەتىستىك قازاقستاندى الەمنىڭ باسەكەگە قابىلەتتى 50 ەلىنىڭ قاتارىنا كىرگىزۋگە مۇمكىندىك بەردى. مەملەكەت ەكى بىردەي الەمدىك داعدارىستان ءساتتى ءوتىپ، ءوز اۋقاتتىلىعىن دالەلدەدى.

بەي-بەرەكەتتىككە، جۇتاڭدىققا، قوعامدىق جىكتەلۋگە، ازاماتتىق سوعىسقا، ۇلتارالىق جانە ءدىنارالىق قاقتىعىستارعا، قىلمىستىڭ ورشۋىنە، «بانديتتىك» جانە «وليگارحيالىق» كاپيتاليزمگە، ەلدى حالىقارالىق قاقتىعىستارعا كيلىكتىرۋگە، «ءتۇرلى-ءتۇستى ريەۆوليۋتسيالاردىڭ» سەناريى بويىنشا قوعامدىق- ساياسي تولقۋعا، شەتەلدىك كرەديتورلاردىڭ قارىز بويىنشا تاۋەلدىلىگىنە، ەكونوميكالىق قۇلدىراۋعا، ستاگناتسياعا نەمەسە الەمدىك داعدارىستاردىڭ سوزىلۋىنا بايلانىستى رەتسەسسياعا جول بەرىلگەن جوق.

ەڭ باستىسى - ءبىرتۇتاس ۇلتتىڭ - قازاقستان حالقىنىڭ قالىپتاسۋى باستالدى. ەلدىڭ ەكونوميكالىق تابىستارى مەن حالىقتىڭ تەڭدىك قاعيداتتارىن بەكەمدەۋ نەگىزىندە ۇلتتىق ىنتىماققا قول جەتكىزىلدى. بۇعان قوسا ەلدەگى ازاماتتاردىڭ اۋقاتتىلىعىنىڭ جەدەل وسىمىنە قول جەتكىزىلىپ، ورتاشا كلاس جانە ۇلتتىق كاسىپكەرلىك قالىپتاستى. الەۋمەتتىك بەيبىتشىلىك، ۇلتارالىق جانە كونفەسسياارالىق كەلىسىم ساقتالدى.

نۇرسۇلتان نازاربايەۆتىڭ پرەزيدەنتتىگى كەزەڭىندە ستراتەگيالىق جوسپارلار نەگىزىندە مەملەكەتتىڭ قالىپتاسۋ جانە دامۋ ستراتەگياسى (1992)، «قازاقستان-2030» ستراتەگياسى (1997)، «قازاقستان-2050» ستراتەگياسى (2012) نەگىزىندە ەلدىڭ سەنىمدى دامۋى مەن ءوسۋى قامتاماسىز ەتىلدى.

قازاقستانعا ەلباسىنىڭ باعدارىن جالعاستىرىپ، «قازاقستان-2050» ستراتەگياسىن جۇزەگە اسىرىپ، جاھاندىق تەگەۋرىندەردىڭ سىندارىنا جاۋاپ رەتىندە مەملەكەتتىك بيلىك ينستيتۋتتارىن بەكەمدەۋ مىندەتى تۇر.

مەملەكەتتىڭ بۇگىنگى مىندەتتەرى - قازاقستاندى جاڭعىرتۋ، ەلدىڭ بارلىعى ءۇشىن زاماناۋي ءارى كۇشتى مەملەكەت ەتۋ، بەس ينستيتۋتسيونالدىق رەفورما مەن ۇلت جوسپارى، «100 ناقتى قادام» نەگىزىندە مەملەكەتتى بەكەمدەۋ مەن قازاقستاننىڭ ءۇشىنشى جاڭعىرۋى باعدارى.

قازاقستاندىقتاردىڭ ماقساتى - مەملەكەتكە جاڭا سەرپىن بەرۋ: تابيعي رەسۋرستاردىڭ كومەگىمەن عانا ەمەس، تەحنولوگيالىق جەتىستىكتەر ەسەبىمەن ءومىر ءسۇرۋ، مىقتى ۇلتتىق ەكونوميكانى دامىتۋ.

الەمدىك ترانسفورماتسيا مەن جاھاندىق تەگەۋرىندەر كەزەڭىندە ە ا ە و، د س ۇ، ە ى د ۇ، «جاڭا جىبەك جولى» قازاقستانعا ۇلتتىق ەكونوميكاسىن قورعاۋ، «قازاقستان-2050» ستراتەگياسىن مۇلتىكسىز ورىنداۋ، سەنىمدى تۇردە ە ى د ۇ ستاندارتىنا سايكەس الەم ەلدەرىنىڭ وتىزدىعىنا ەنۋ، مۇناي جانە شيكىزات داعدارىسىنان تاۋەلسىز ەلدىڭ ەكونوميكالىق دامۋىن قامتاماسىز ەتۋ مىندەتى تۇر.