رەسەيلىك اسكەريلەر قازاقستاندا ءبىلىم الۋعا نيەت ءبىلدىرىپ جاتىر

استانا. قازاقپارات - رەسەيدىڭ اسكەري قىزمەتشىلەرى قازاقستاندا ءبىلىم الۋعا قىزىعۋشىلىق تانىتىپ وتىر.

بۇل تۋرالى ق ر قورعانىس ءمينيسترى نۇرلان ەرمەكبايەۆ ءمالىم ەتتى، دەپ حابارلايدى قازاقپارات ءتىلشىسى.

«بيىل رەسەيلىك تاراپ وزدەرىنىڭ اسكەري قىزمەتشىلەرىن قازاقستانداعى اسكەري وقۋ ورىندارىنا باعىتتاۋعا قىزىعۋشىلىق تانىتىپ وتىر. وسى ورايدا ق ر تۇڭعىش پرەزيدەنتى اتىنداعى ۇلتتىق قورعانىس ۋنيۆەرسيتەتىنىڭ كوماندالىق- شتابتىق فاكۋلتەتىندە جانە باس شتابى اكادەمياسى فاكۋلتەتىندە اسكەري ىستەگى ستراتەگيالىق مەنەدجمەنت ماماندىعى بويىنشا ءبىلىم الۋعا نيەت ءبىلدىرىپ جاتىر»، - دەدى مينيستر ق ر پارلامەنتى سەناتى مەن ر ف فەدەرالدىق جينالىسى فەدەراتسيا كەڭەسى دەپۋتاتتارىنىڭ كەزدەسۋى بارىسىندا.

ونىڭ سوزىنە قاراعاندا، قازىرگى كەزدە رەسەي قورعانىس مينيسترلىگىنىڭ 28 جوعارى وقۋ ورىندارى مەن وقۋ ورتالىقتارىندا 76 ماماندىق بويىنشا 382 قازاقستاندىق اسكەري ءبىلىم الىپ جاتىر.

«بۇل ماماندىقتار ەلىمىزدە سۇرانىسقا يە بولىپ وتىر. سونىمەن قاتار ءبىز اسكەري قىزمەتشىلەردى باسقا دا شەتەلدىك جوعارى وقۋ ورىندارىنا باعىتتاپ جاتىرمىز. بۇل تۇرعىدا تۇركيا، قىتاي وقۋ ورىندارىندا، سونداي-اق بىرنەشە اسكەري ا ق ش-تا ءبىلىم الۋدا. وسى شارالار مامانداردىڭ الدىڭعى قاتارلى جوو- لاردا ءبىلىم الۋىنا جانە زاماناۋي تەحنولوگيالارعا قولجەتىمدىكتى قامتاماسىز ەتۋ ماقساتىندا ىسكە اسىرىلۋدا»، - دەدى نۇرلان ەرمەكبايەۆ.