وقيعا 12 -ناۋرىز كۇنى شىمكەنت قالاسى قاراتاۋ اۋداندىق پوليتسيا باسقارماسىنىڭ ۋچاسكەلىك بەكەتىندە ورىن العان دەپ حابارلايدى KAZ. NUR. KZ ءتىلشىسى.
پوليتسيا اعا لەيتەنانتى تۇركەيەۆ نۇرجان قايرات ۇلىنا جەرگىلىكتى تۇرعىن «اۋىزباستىرىق» رەتىندە ون مىڭ تەڭگە اقشا بەرمەكشى بولعان.
ەش جەردە قىزمەت ىستەمەيتىن جۇمىسسىز ازاماتتىڭ ايەلىنە اكىمشىلىك قۇقىق بۇزۋشىلىق تۋرالى كودەكستىڭ 449 -بابى «قوعامدىق ورىنداردا ءتيىسۋ» بويىنشا ايىپ تاعىلىپتى.
ءبىراق پوليتسيا اعا لەيتەنانتى نۇرجان قايرات ۇلى ۇسىنىلعان سىياقىدان باس تارتقان. ايەلىن زاڭ الدىنداعى جاۋاپكەرشىلىكتەن اراشالاماق بولعان ازاماتتىڭ دا ۇستىنەن ەندى قىلمىستىق ءىس قوزعالدى.
«پارا بەرۋ ءجايتى بويىنشا شىمكەنت قالاسى پوليتسيا دەپارتامەنتىنىڭ وزىندىك قاۋىپسىزدىك باسقارماسىمەن ق ر ق ك نىڭ 367 -بابىنىڭ 1 -بولىگىمەن قىلمىستىق ءىس قوزعالىپ، سوتقا دەيىنگى تەرگەپ تەكسەرۋ جۇمىستارى جۇرگىزىلۋدە»- دەپ حابارلايدى شىمكەنت قالالىق پوليتسيا دەپارتامەنتىنىڭ باسپا ءسوز قىزمەتى.