ونىڭ ايتۋىنشا، قارجى نارىعى رەفورمالار مەن اشىقتىق ساياساتىنىڭ اياسىندا رەتتەلىپ وتىرادى، دەپ حابارلايدى «حابار 24».
بۇكىل قىتايلىق حالىق وكىلدەرىنىڭ 13-سەسسياسى اياسىندا قىتايدىڭ باس بانكيرى باسپا ءسوز ءماسليحاتىن وتكىزدى. ي گان ا ق ش- پەن ساۋدا سوعىسىندا يۋاندى قارسى قۇرال رەتىندە پايدالانىلۋ ماسەلەسىن جوققا شىعاردى. «سىرتقى ساۋداداعى كەلىسپەۋشىلىكتەرگە مۇقيات قاراۋ قاجەت. ۆاليۋتالىق باعامدى باسەكەلەستىككە پايدالانۋ مۇمكىن ەمەس. ول ساۋدا سوعىسىندا كۇرەس قۇرالى بولا المايدى»، - دەيدى قىتاي ورتالىق بانكىنىڭ باسشىسى.
سونىمەن بىرگە ي گان كەلىسسوز جۇرگىزۋشى تاراپتاردىڭ نارىقتىق ايىرباس باعامنىڭ تارتىبىنە ساي پىكىر الماسقانىن ايتتى.
ي گان، قىتاي حالىقتىق بانكىنىڭ ءتوراعاسى:
- ءبىز G20 سامميتىندە تاراپتاردىڭ ءبىر- بىرىنە بەرگەن ۋادەلەرىنە بايلانىستى جيىن وتكىزدىك. ونىڭ ىشىندە ديەۆالۆاتسيا جاساماۋ جانە ايىرباس باعامىن باسەكەلەستىك ماقساتتا پايدالانباۋ ماسەلەلەرى دە تالقىلاندى. تاراپتار قارجىلىق نارىقتا تىعىز بايلانىس ورناتامىز دەپ ۋاعدالاستى.
وسىعان دەيىن ۆاشينگتون بەيجىڭدى ۇلتتىق ۆاليۋتا باعامىن ءوز پايداسىنا قاراي قۇنسىزداندىرادى دەپ ايىپتاعان ەدى. قىتاي قاشان دا بۇل ۋاجگە ءۇزىلدى- كەسىلدى قارسى. ول ساۋدا سوعىسىندا اقشاسىن قارۋ رەتىندە قولدانباعان جانە قولداناتىن نيەتى دە جوق دەپ قايتالاۋمەن كەلەدى. ال ەكونوميست ليۋ يننىڭ ايتۋىنشا، قىتاي - الەمدە ماڭىزدى ورنى بار ساۋدا دەرجاۆاسى. قازىر ەلدىڭ يمپورتى مەن ەكسپورتى تۇراقتى. سوندىقتان يۋاندى قۇنسىزداندىرۋ نەمەسە ونىڭ باعاسىن ءوسىرۋ ەلدىڭ ەكونوميكاسىنا زيان كەلتىرەدى، دەيدى.
ليۋ ين، قىتاي حالىق ۋنيۆەرسيتەتى قارجىلىق زەرتتەۋ ينستيتۋتىنىڭ ساراپشىسى:
- شىنىن ايتقاندا، ا ق ش دوللارى الەمدىك ۆاليۋتا رەتىندە وزىنە ۇلكەن جاۋاپكەرشىلىك الۋى كەرەك. ولار ايىرباس باعامىنىڭ ماسەلەلەرىن باسقا ەلدەرگە ىعىستىرماۋى قاجەت. فەدەرالدىق رەزەرۆتىك جۇيە پايىزدىق مولشەرلەمەنى ۇدايى وسىرە بەرەدى. سوندىقتان باسقا ۆاليۋتالار قۇنسىزدانىپ كەتەدى.
ۆاليۋتا باعامى - قازىر ەكى ەلدىڭ اراسىندا ءجۇرىپ جاتقان ساۋدا كەلىسسوزدەرىنىڭ باستى ماسەلەسى. ا ق ش يۋان باعامىنىڭ تۇراقتى بولعانىن قالاپ وتىر. ساۋدا كەلىسسوزدەرىنىڭ قورىتىندىسى بويىنشا قابىلداناتىن ءوزارا تۇسىنىستىك جونىندەگى مەموراندۋمدا وسى سۇراقتار قامتىلادى. ول كەلىسىمدى الداعى ۋاقىتتا شي جينپيڭ مەن دونالد ترامپ ماقۇلداۋى مۇمكىن. اۆتورى: نۇربەك بەكەن
www.24.kz