قازاقستان رەسەيلىك تۋريستەردى قالاي قىزىقتىرماق؟
«رەسەيلىك تۋريستەر ءۇشىن دەمالۋ ورنىن تاڭداۋدا ەڭ باستىسى باراتىن ورىننىڭ قاۋىپسىزدىگى ءارى تانىمال بولۋى ماڭىزدى دەگەن پىكىر قالىپتاسقان. دەسەكتە، كەيىنگى جىلدارداعى تەندەنتسيالارعا ساي، تۋريستەر ءۇشىن تاجىريبە، اسەرلەر مەن ەموتسيالار دا ماڭىزدى. ياعني «travel experiences» دەمالاتىن جەردى تاڭداۋدا شەشۋشى فاكتور بولىپ تابىلادى»، - دەلىنگەن حابارلامادا.
«Kazakh Tourism» - ءنىڭ مالىمەتىنە سۇيەنسەك، اتالعان كورمەدە رەسەيلىكتەرگە ەلىمىزدىڭ اتىنان جاڭا ەموتسيا مەن ەرەكشە اسەر بەرەتىن قىزىقتى تۋريستىك ونىمدەرمەن قاتار، بەلسەندى دەمالىسقا ارنالعان جاڭا باعىتتاعى جوبالار تانىستىرىلادى.
«گەوگرافيالىق جاقىندىقتى، دامىعان كولىكتىك لوگيستيكانى، تاريحي بايلانىستار مەن باسقا دا فاكتورلاردى ەسكەرسەك، رەسەي قازاقستاننىڭ تۋريزمى ءۇشىن ەڭ باستى تۋريستىك نارىقتاردىڭ ءبىرى ەكەنى انىق. قازىرگى كەزدە وزىمىزدەگى بار ۇسىنىستاردان بولەك، رەسەيلىك تۋريستەرگە بەلسەندى دەمالىس تۇرلەرىن ۇسىنۋ بويىنشا جۇمىس جۇرگىزۋدەمىز. ياعني، ءبىزدىڭ مىندەتىمىز - ەلىمىزگە باسقا ماقساتتارمەن كەلگەن ادامداردى بەلسەندى دەمالىس تۇرلەرى ارقىلى قىزىقتىرۋ. سول ارقىلى قازاقستاندا تاعى بىرنەشە كۇنگە قالدىرۋعا بولادى»، - دەدى «Kazakh Tourism» ۇ ك» ا ق باسقارما ءتوراعاسىنىڭ ورىنباسارى قايرات سادۋاقاسوۆ.
MITT كورمەسىندەگى قازاقستان پاۆيلونى بيىلدا وتكەن جىلداعىداي «Adventure» تاقىرىبىندا جاسالدى. سونداي-اق، وسى جولى ەكو جانە بەلسەندى تۋريزمنەن بولەك، گاسترونوميا جانە ەتنوفۋد تاقىرىبى دا ۇسىنىلدى.
ايتا كەتسەك، ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ مالىمەتى بويىنشا، وتكەن جىلى رەسەيدەن ەلىمىزگە 1,74 ميلليون ادام كەلگەن، بۇل 2017-جىلمەن سالىستىرعاندا %1,7 عا ارتىق.